إِنَّ ٱلْمُنَـٰفِقِينَ فِى ٱلدَّرْكِ ٱلْأَسْفَلِ مِنَ ٱلنَّارِ وَلَن تَجِدَ لَهُمْ نَصِيرًا
Muhammad Sodiq Muhammad Yusuf: Albatta, munofiqlar do`zaxning eng ostki qavatidadirlar va hargiz ularga bir yordamchini topa olmassan.Албатта, мунофиқлар дўзахнинг энг остки қаватидадирлар ва ҳаргиз уларга бир ёрдамчини топа олмассан.Alauddin Mansour: Albatta, munofiqlar doʻzaxning eng tuban joyida boʻlurlar. Va ular uchun biron madadkor topa olmaysiz!Албатта, мунофиқлар дўзахнинг энг тубан жойида бўлурлар. Ва улар учун бирон мададкор топа олмайсиз!
Islom dini uchun munofiqlar kofirlardan ham zararli va xavflidirlar. Shuning uchun, oxiratda ham ular kofirlardan-da koʻra qattiqroq azobga duchor boʻladilar. Doʻzaxning eng qaʼriga–eng ostki qavatiga tashlanadilar. Bu joyni oyatda «ad-Darkul asfal» deyilgan.
Abu Hurayra roziyallohu anhudan qilingan rivoyatda: «ad-Darkul asfal» bir eshikli uylar boʻlib, unga munofiqlarni kiritib, ustilaridan eshiklarini qulflab qoʻyib, ostidan ham, ustidan ham olov yoqiladi, deyilgan. Munofiqlar ana shunday qattiq azobga duchor qilinadilar:
«...va hargiz ularga bir yordamchini topa olmassan».
Qaysilari bu holdan qutulishi mumkinligi kelasi oyatda bayon qilinadi: