وَرُسُلًا قَدْ قَصَصْنَـٰهُمْ عَلَيْكَ مِن قَبْلُ وَرُسُلًا لَّمْ نَقْصُصْهُمْ عَلَيْكَ ۚ وَكَلَّمَ ٱللَّهُ مُوسَىٰ تَكْلِيمًا
Muhammad Sodiq Muhammad Yusuf: Va Biz senga bundan oldin qissalarini aytib bergan va qissalarini aytib bermagan Payg`ambarlarni yubordik. Va Alloh Muso ila o`ziga xos gaplashdi.Ва Биз сенга бундан олдин қиссаларини айтиб берган ва қиссаларини айтиб бермаган Пайғамбарларни юбордик. Ва Аллоҳ Мусо ила ўзига хос гаплашди.Alauddin Mansour: Ayrim paygʻambarlar haqida sizga ilgari hikoya qildik, ayrim paygʻambarlarni esa sizga hikoya qilganimiz yoʻq. Muso bilan Allohning Oʻzi (bevosita) gaplashdi.Айрим пайғамбарлар ҳақида сизга илгари ҳикоя қилдик, айрим пайғамбарларни эса сизга ҳикоя қилганимиз йўқ. Мусо билан Аллоҳнинг Ўзи (бевосита) гаплашди.
Qurʼoni Karimda nomlari zikr qilingan Paygʻambarlar quyidagilar: Odam, Idris, Nuh, Hud, Solih, Ibrohim, Lut, Ismoil, Ishoq, Yaʼqub, Yusuf, Ayyub, Shuayb, Muso, Horun, Yunus, Dovud, Sulaymon, Ilyos, Al-Yasaʼ, Zakariyo, Yahyo, Zul-Kifl, Iyso va Muhammad alayhissalomlardir.
Qurʼoni Karimda nomlari zikr qilinmagan Paygʻambarlar haqidagi eng ishonchli maʼlumot Ibn Murdavayhi Abu Zarr al-Fiforiy roziyallohu anhudan qilgan rivoyatda kelgan, u kishi aytadilarki:
«Ey, Allohning Rasuli, Paygʻambarlar qancha?» deb soʻradim. U zot sollallohu alayhi vasallam:
«Bir yuz yigirma toʻrt mingta», dedilar.
«Ey, Allohning Rasuli, ulardan qanchasi Rasullar?» dedim. U zot:
«Uch yuz oʻn uchtasi, koʻpchilik» dedilar.
Oyatning oxirida Muso alayhissalomga koʻrsatilgan ulkan sharaf zikr qilinadi:
«Va Alloh Muso ila oʻziga xos gaplashdi».
Shuning uchun ham, u kishi «Kalimulloh», deb ataladilar.