فِى ٱلْحَمِيمِ ثُمَّ فِى ٱلنَّارِ يُسْجَرُونَ
Muhammad Sodiq Muhammad Yusuf: O`ta qaynoq suvga, so`ngra olovda kuydirilurlar.Ўта қайноқ сувга, сўнгра оловда куйдирилурлар.Alauddin Mansour: qaynoq suv tomonga, soʻngra olovda yondirilurlar.қайноқ сув томонга, сўнгра оловда ёндирилурлар.
Yaʼni, Qurʼonni va Paygʻambarlarga kelgan vahiyni inkor etganlarning boʻyinlariga qiyomat kunida kishan solinib, zanjir bogʻlanadi va farishtalar oʻsha zanjirlardan tortqilagan holda ularni oʻta qaynoq suv tomon sudraydilar. U suvda maʼlum muddat azoblanganlaridan soʻng, ularni yana sudrab, olovga olib boriladi. U yerda kuydiriladi. Ana oʻshanda, Qurʼonni inkor qilishning oqibati qanday boʻlishini biladilar. Ana oʻshanda, Paygʻambarlarga kelgan vahiyni inkor qilishning oqibati qanday boʻlishini bilib oladilar.