وَزُخْرُفًا ۚ وَإِن كُلُّ ذَٰلِكَ لَمَّا مَتَـٰعُ ٱلْحَيَوٰةِ ٱلدُّنْيَا ۚ وَٱلْـَٔاخِرَةُ عِندَ رَبِّكَ لِلْمُتَّقِينَ
Muhammad Sodiq Muhammad Yusuf: Va zebu ziynatu bezaklarni ham. Bularning hammasi hayoti dunyoning matohidan boshqa narsa emas. Oxirat esa, Robbing nazdida taqvodorlar uchundir.Ва зебу зийнату безакларни ҳам. Буларнинг ҳаммаси ҳаёти дунёнинг матоҳидан бошқа нарса эмас. Охират эса, Роббинг наздида тақводорлар учундир.Alauddin Mansour: Yana (barcha) zeb-ziynat, naqsh-nigorlarni ham (oʻsha kofirlar uchun qilib qoʻygan boʻlur edik. Zero, bularning) barchasi faqat hayoti dunyo matolaridir. Oxirat esa Parvardigoringiz nazdida taqvodor zotlar uchundir.Яна (барча) зеб-зийнат, нақш-нигорларни ҳам (ўша кофирлар учун қилиб қўйган бўлур эдик. Зеро, буларнинг) барчаси фақат ҳаёти дунё матоларидир. Охират эса Парвардигорингиз наздида тақводор зотлар учундир.
Agar yuqoridagi mulohaza boʻlmaganida, Alloh taolo mazkur narsalardan tashqari ham, oʻziga kufr keltirganlarni zebu ziynatu bezaklarga koʻmib tashlar edi. Alloh taolo oʻlchovida, Islom oʻlchovida molu dunyo, zebu ziynat ana shunday qadrsiz, oʻtkinchi narsadir.
«Bularning hammasi hayoti dunyoning matohidan boshqa narsa emas.»
Besh kunlik dunyo hayoti tugashi bilan hammasi tugaydi. Uni koʻrgan ham, koʻrmagan ham bir boʻladi. Hali bularning hisob- kitobini berish ham bor. Ammo abadiy rohat, haqiqiy neʼmat diyori boʻlgan:
«Oxirat esa, Robbing nazdida taqvodorlar uchundir».
Binobarin, odamlar taqvodor boʻlib yashashga harakat qilsinlar.