وَقِيلَ ٱلْيَوْمَ نَنسَىٰكُمْ كَمَا نَسِيتُمْ لِقَآءَ يَوْمِكُمْ هَـٰذَا وَمَأْوَىٰكُمُ ٱلنَّارُ وَمَا لَكُم مِّن نَّـٰصِرِينَ
Muhammad Sodiq Muhammad Yusuf: «Bugungi kunda xuddi siz ushbu kuningizga ro`baro` bo`lishni unutganingizdek, Biz ham sizni unuturmiz. Joyingiz jahannamdir va sizlarga hech yordamchilar yo`q.«Бугунги кунда худди сиз ушбу кунингизга рўбарў бўлишни унутганингиздек, Биз ҳам сизни унутурмиз. Жойингиз жаҳаннамдир ва сизларга ҳеч ёрдамчилар йўқ.Alauddin Mansour: Va (ularga) deyildi: «Xuddi sizlar mana shu bugungi kuningizdagi uchrashuvni unutganlaringizdek, Biz ham bugun sizlarni «unuturmiz». Sizlarning joyingiz doʻzaxdir va sizlar uchun doʻzax azobidan qutqaruvchi yordamchilar ham yoʻqdir!Ва (уларга) дейилди: «Худди сизлар мана шу бугунги кунингиздаги учрашувни унутганларингиздек, Биз ҳам бугун сизларни «унутурмиз». Сизларнинг жойингиз дўзахдир ва сизлар учун дўзах азобидан қутқарувчи ёрдамчилар ҳам йўқдир!
Jahanam azobida qiynalib turgan kofiru osiylarga aytiladigan bu gaplar, ular uchun juda ham ogʻir maʼnaviy azob boʻladi. «Bugungi kunda xuddi siz ushbu kuningizga roʻbaroʻ boʻlishni unutganingizdek, Biz ham sizni unuturmiz.» Yaʼni, siz yorugʻ dunyoda qiyomat kuniga roʻbaroʻ boʻlishni qanday unutgan boʻlsangiz, Biz ham sizni shunday unutamiz. Yaʼni, sizga rahim qilishni unutamiz. Shuning uchun ham: «Joyingiz jahannamdir...» U yerda azoblarni chekib yotaverasiz. «...sizlarga hech yordamchilar yoʻq.» Shuning uchun, jahannamdan qutulib ham chiqa olmaysiz, azobingiz yengil ham boʻlmaydi. Albatta, bunday holga tushishingizning oʻziga yarasha sabablari bor. Ulardan biri: «...sizning Allohning oyatlarini masxara qilib olganingiz...» Kim Allohning oyatlarini masxara qilib olsa, shu holga tushishi turgan gap. «...va sizni dunyo hayoti gʻururga ketkazgani...» Kim dunyo hayotiga aldanib qolsa, shu holga tushadi. «Bas, bugungi kunda ular u(jahannam)dan chiqarilmaslar va ular itobga ham qaytarilmaslar.» Yaʼni, ularga jahannamdan chiqishga ham ruxsat berilmaydi, qilgan gunohlariga itob qilib, keyin yorugʻ dunyoga qaytarib, oʻsha ishlar boʻyicha Allohni rozi qiladigan solih amallar qilishga ham imkon berilmaydi. Chunki, endi vaqt oʻtdi.