أُو۟لَـٰٓئِكَ ٱلَّذِينَ حَقَّ عَلَيْهِمُ ٱلْقَوْلُ فِىٓ أُمَمٍ قَدْ خَلَتْ مِن قَبْلِهِم مِّنَ ٱلْجِنِّ وَٱلْإِنسِ ۖ إِنَّهُمْ كَانُوا۟ خَـٰسِرِينَ
Muhammad Sodiq Muhammad Yusuf: Ana o`shalarga o`zlaridan avval o`tgan jin va ins ummatlari qatorida (azob) so`zi haq bo`lgandir. Albatta, ular ziyon ko`ruvchilardan bo`ldilar.Ана ўшаларга ўзларидан аввал ўтган жин ва инс умматлари қаторида (азоб) сўзи ҳақ бўлгандир. Албатта, улар зиён кўрувчилардан бўлдилар.Alauddin Mansour: Ana oʻshalar shunday kimsalardirki, ularning ustiga oʻzlaridan ilgari oʻtgan insu-jinsdan iborat (kofir) ummatlar qatorida (azob) Soʻzi haq boʻlgandir. Albatta ular ziyon koʻrguvchi boʻldilar.Ана ўшалар шундай кимсалардирки, уларнинг устига ўзларидан илгари ўтган инсу-жинсдан иборат (кофир) умматлар қаторида (азоб) Сўзи ҳақ бўлгандир. Албатта улар зиён кўргувчи бўлдилар.
Qayta tirilshini inkor etuvchilar, bunga oʻzlaridan avval oʻtgan ajdodlarning qayta tirilmayotganini dalil qilib keltirgan edilar. Bu oyatda esa:
«Ana oʻshalarga oʻzlaridan avval oʻtgan jin va ins ummatlari qatori (azob) soʻzi haq boʻlgandir», deyilmoqda.
Yaʼni, oxiratda qayta tirilishni inkor qilganlarga, inson boʻlsin, jin boʻlsin, avval oʻtsin, keyin oʻtsin–barcha-barchasiga Alloh taoloning azob soʻzi haq boʻlgan, uni qaytarib boʻlmaydi. Ularning azobga uchrashlari tayin. Zero, Allohning vaʼdasi amalga oshmay qolmaydi. Ana oʻsha vaʼda amalga oshadigan kunda:
«Albatta, ular ziyon koʻrguvchilardan boʻldilar».
Hidoyatda, iymonda yurgan, ota-onasini rozi qilganlarning va ularning aksicha kufrda, zalolatda oʻtgan, ota-onasiga oq boʻlganlarning umumiy hollari bayon qilinib boʻlgandan soʻng, keyingi keladigan oyati karimada ulardan har bir shaxsga alohida daqiq hisob-kitob, jazo-mukofot boʻlishi taʼkidlanadi.