وَٱصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ
Muhammad Sodiq Muhammad Yusuf: Bas, Robbing hukmiga sabr qil. Albatta, sen ko`z o`ngimizdasan, o`rningdan turganingda Robbingga tasbih ayt!Бас, Роббинг ҳукмига сабр қил. Албатта, сен кўз ўнгимиздасан, ўрнингдан турганингда Роббингга тасбиҳ айт!Alauddin Mansour: (Ey Muhammad alayhis-salotu vas-salom) siz Parvardigoringizning hukmiga (yaʼni, mushriklarni darhol azobga duchor qilmaganiga va sizni turli mashaqqatli sinovlar bilan imtihon qilishiga) sabr qiling. Zotan, siz shak-shubhasiz, Bizning koʻz oʻngimizda (yaʼni, hifzi-himoyamizda)dirsiz. Va (tongda uyqudan) turgan paytingizda Parvardigoringizga hamdu sano aytish bilan (U zotni barcha ayb-nuqsondan) poklang!(Эй Муҳаммад алайҳис-салоту вас-салом) сиз Парвардигорингизнинг ҳукмига (яъни, мушрикларни дарҳол азобга дучор қилмаганига ва сизни турли машаққатли синовлар билан имтиҳон қилишига) сабр қилинг. Зотан, сиз шак-шубҳасиз, Бизнинг кўз ўнгимизда (яъни, ҳифзи-ҳимоямизда)дирсиз. Ва (тонгда уйқудан) турган пайтингизда Парвардигорингизга ҳамду сано айтиш билан (У зотни барча айб-нуқсондан) покланг!
Dunyodagi har bir ish Allohning irodasi, qazoi qadari bilan boʻladi. Mushriklarning, dinsizlarning qarshiliklari, tuhmatboʻhtonlariga sabr qilish lozim, chunki bular ham Allohning irodasi bilan boʻlyapti.
Oyatdagi
«Albatta, sen koʻz oʻngimizdasan» degan gap Paygʻambar alayhissalomning Alloh huzuridagi martabalari naqadar yuqori ekanini bildiradi. Hech bir inson bu maqomga sazovor boʻlgan emas. Oʻzga Paygʻambarlarga ham yuqori martabaga dalolat qiluvchi soʻzlar aytilgan, lekin hech kishiga «koʻz oʻngimizdasan» deb aytilmagan. Shuning uchun ham, doim tasbih aytilsa, oz. Oʻrnidan turilganda ham...