Baʼzi ulamolar «masjur» soʻzini «toʻlgan» deb tushuntirishsa, boshqalari «yongan» deb sharhlaydilar. Ikkala maʼno ham durust. Hozir dengizlar toʻlib turibdi, qiyomatda esa, yonib turadi. Yaʼni, qiyomatning dahshatidan suv ham yonib, olovga aylanib ketadi. Bular bari Alloh taoloning cheksiz qudratiga dalildir.

Mazkur ulugʻ narsalar bilan qasam ichib inson diqqat-eʼtibori jamlab boʻlingach, Alloh taolo qiyomat kuni voqealari, u kundagi ulkan oʻzgarishlar va kofirlarning ahvoli haqida xabar beradi.