وَلَا تَكُونُوا۟ كَٱلَّذِينَ نَسُوا۟ ٱللَّهَ فَأَنسَىٰهُمْ أَنفُسَهُمْ ۚ أُو۟لَـٰٓئِكَ هُمُ ٱلْفَـٰسِقُونَ
Muhammad Sodiq Muhammad Yusuf: Allohni unutganlarga o`xshagan bo`lmanglar. U zot ularga o`z shaxslarini unuttirdi. Undoq kishilar fosiqdirlar.Аллоҳни унутганларга ўхшаган бўлманглар. У зот уларга ўз шахсларини унуттирди. Ундоқ кишилар фосиқдирлар.Alauddin Mansour: Sizlar Allohni unutib qoʻygan (yaʼni, U zotning amr-farmonlariga itoat etmagan), bas, (shundan keyin Alloh) ularga oʻzlarini ham unuttirib qoʻygan (yaʼni, oʻzlariga Oxiratda foyda beradigan amallar qilishdan yuz oʻgirtirib qoʻygan) kimsalar kabi boʻlmangiz! Ana oʻshalar fosiq-itoatsiz kimsalardir!Сизлар Аллоҳни унутиб қўйган (яъни, У зотнинг амр-фармонларига итоат этмаган), бас, (шундан кейин Аллоҳ) уларга ўзларини ҳам унуттириб қўйган (яъни, ўзларига Охиратда фойда берадиган амаллар қилишдан юз ўгиртириб қўйган) кимсалар каби бўлмангиз! Ана ўшалар фосиқ-итоатсиз кимсалардир!
Allohni unutgan odam bu dunyoda uni oliy maqom bilan bogʻlab turuvchi aloqani yoʻqotadi. Uni boshqa jonzotlardan ajratib turadigan oliy maqsaddan mahrum boʻladi. Va nihoyat, oʻzining insonligini unutadi. Binobarin, ertaga – qiyomat kuniga tayyorgarlik koʻrishni esdan chiqaradi va oqibati yomon boʻladi.
Demak, odamlar ikkiga boʻlinar ekan. Birinchi toifa–Allohga taqvo qilganlar. Ikkinchi toifa–Allohni unutganlar. Bu ikki toifaning biri jannatiy boʻlsa, ikkinchisi doʻzaxiy boʻladi. Shular haqida kelgusi oyat soʻz yuritadi: