ٱلَّذِى خَلَقَ سَبْعَ سَمَـٰوَٰتٍ طِبَاقًا ۖ مَّا تَرَىٰ فِى خَلْقِ ٱلرَّحْمَـٰنِ مِن تَفَـٰوُتٍ ۖ فَٱرْجِعِ ٱلْبَصَرَ هَلْ تَرَىٰ مِن فُطُورٍ
Muhammad Sodiq Muhammad Yusuf: U yetti osmonni tabaqama-tabaqa yaratgan. Rohmanning yaratganida hech tafovut ko`rmassan. Qayta nazar sol! Biror kamchilik ko`ryapsanmi?У етти осмонни табақама-табақа яратган. Роҳманнинг яратганида ҳеч тафовут кўрмассан. Қайта назар сол! Бирор камчилик кўряпсанми?Alauddin Mansour: (U) yetti osmonni ustma-ust qilib yaratgan Zotdirki, siz U Rahmonning (Mehribon zotning) yaratishida biron tafovut-nuqsonni koʻrmassiz. Endi koʻzingizni yana (samoga) qaytaring-chi, (unda) biron futur-yoriqni koʻrarmikansiz?(У) етти осмонни устма-уст қилиб яратган Зотдирки, сиз У Раҳмоннинг (Меҳрибон зотнинг) яратишида бирон тафовут-нуқсонни кўрмассиз. Энди кўзингизни яна (самога) қайтаринг-чи, (унда) бирон футур-ёриқни кўрармикансиз?
Alloh taolo zikr qilgan yetti osmonning haqiqatini haligacha bu yolgʻonchi dunyo ilmi kashf qilganicha yoʻq. Bu moʻʼjiza oʻz navbatida qudrati cheksiz Alloh taologa iymon keltirishga daʼvat etadi. Bu haqiqatni tezda tushunib yetmoq lozim.
Alloh taolo yaratgan narsalarda tafovut, kamchilik yoʻqligi toʻgʻrisidagi oyati karimaning oʻziyoq Alloh taoloning barcha narsaga qodir ekanligining dalolatidir. Hamma sohadagi olimlar–zarradan kichik narsani oʻrganganlari ham, cheksiz osmon va undagi jismlarni oʻrganadiganlarni ham dunyodagi barcha narsalar kuchli va qudratli bir qonunga boʻysunishini, ularda hech bir kamchilik yoʻqligini taʼkidlashgan. Nazarda tutilgan bu qonun qudratli Rohman nazoratidadir.