قَالَ ٱخْرُجْ مِنْهَا مَذْءُومًا مَّدْحُورًا ۖ لَّمَن تَبِعَكَ مِنْهُمْ لَأَمْلَأَنَّ جَهَنَّمَ مِنكُمْ أَجْمَعِينَ
Muhammad Sodiq Muhammad Yusuf: U zot: «Undan mazammatga uchragan va quvilgan holingda chiq!!! Ulardan kim senga ergashsa, albatta, jahannamni sizlarning hammangiz bilan to`ldirurman», – dedi.У зот: «Ундан мазамматга учраган ва қувилган ҳолингда чиқ!!! Улардан ким сенга эргашса, албатта, жаҳаннамни сизларнинг ҳаммангиз билан тўлдирурман», – деди.Alauddin Mansour: (Alloh) aytdi: «Undan (jannatdan) jirkanch va magʻlub holda chiq! Qasamki, ulardan kimda-kim senga ergashsa, albatta jahannamni sizlarning barchalaringiz (sen va senga ergashganlar) bilan toʻldirurman.(Аллоҳ) айтди: «Ундан (жаннатдан) жирканч ва мағлуб ҳолда чиқ! Қасамки, улардан кимда-ким сенга эргашса, албатта жаҳаннамни сизларнинг барчаларингиз (сен ва сенга эргашганлар) билан тўлдирурман.
Alloh taolo shakkokligi uchun Iblisni jannatdan haydadi va rahmatidan benasib qildi. Shuningdek, unga tobe boʻlganlarning barchasini jahannamga tashlashini taʼkidladi. Inson bundan oʻziga tegishli xulosa chiqarib olishi kerak. Bu dunyoda Rohmanga yoxud shaytoni laʼinga ergashish bor. Rohmanga boʻysunmagan, albatta, shaytonga yukinadi. Orada uchinchi yoʻl yoʻq. Shayton muhiblarining oqibati ushbu oyatda aytilganidek boʻladi.
Alloh taolo Odam alayhissalomni yaratganidan soʻng farishtalarni unga sajda qilishga buyurgani, ular sajda qilgani, ammo yolgʻiz Iblis alayhi laʼna sajda qilmaganini zikr qilgandan soʻng, Iblis bilan bu borada boʻlgan mukolama–soʻzlashuv keltirildi. Binobarin, Iblisni jannatdan quvib yuborib, uni Oʻz rahmatidan benasib qilganidan soʻng, Alloh taolo Odam alayhissalomga quyidagicha amr etdi: