ٱلَّذِينَ ٱتَّخَذُوا۟ دِينَهُمْ لَهْوًا وَلَعِبًا وَغَرَّتْهُمُ ٱلْحَيَوٰةُ ٱلدُّنْيَا ۚ فَٱلْيَوْمَ نَنسَىٰهُمْ كَمَا نَسُوا۟ لِقَآءَ يَوْمِهِمْ هَـٰذَا وَمَا كَانُوا۟ بِـَٔايَـٰتِنَا يَجْحَدُونَ
Muhammad Sodiq Muhammad Yusuf: Dinlarini o`yin-kulgi qilib olgan va hayoti dunyo g`ururiga ketganlarga», – derlar. Bas, bu Kunda ular bugungi holga duchor bo`lishlarini unutganlari va oyatlarimizni inkor qilganlaridek, Biz ham ularni unutamiz.Динларини ўйин-кулги қилиб олган ва ҳаёти дунё ғурурига кетганларга», – дерлар. Бас, бу Кунда улар бугунги ҳолга дучор бўлишларини унутганлари ва оятларимизни инкор қилганларидек, Биз ҳам уларни унутамиз.Alauddin Mansour: Ular dinlarini hazil-mazax qilib olgan va hayoti dunyoga aldanib qolgan kimsalardir. Bas bu Kun ular bugungi uchrashuvni unutib qoʻyganlari va Bizning oyatlarimizni inkor qiluvchi boʻlganlari kabi Biz ham ularni «unutib qoʻyarmiz».Улар динларини ҳазил-мазах қилиб олган ва ҳаёти дунёга алданиб қолган кимсалардир. Бас бу Кун улар бугунги учрашувни унутиб қўйганлари ва Бизнинг оятларимизни инкор қилувчи бўлганлари каби Биз ҳам уларни «унутиб қўярмиз».
Koʻrinib turibdiki, doʻzax ahli faqat moddiy azobgagina emas, maʼnaviy azobga ham bardavom giriftor boʻlib turar ekanlar. Ular hozirgina «Aʼrof egalari»dan dashnom eshitgan edilar. Endi esa jannat ahlidan suv va neʼmatlar soʻrab, ularning oʻrniga ham dashnom olmoqdalar. Jannat ahli ularga bu dunyodagi qilmishlarini eslatib qoʻyishyapti:
«Albatta, Alloh bularni dinlarini oʻyin-kulgi qilib olgan va hayoti dunyo gʻururiga ketgan kofirlarga harom qilgan».
Darhaqiqat, doʻzaxiylari bu dunyoda qiyomatni hech qachon oʻylagan emaslar. Ularning muqaddas dinni anchayin oʻyin-kulgi qilishlari, hayoti dunyo gʻururiga ketishlari ham ushbu Kunni, yaʼni oxiratni unutib qoʻyganlaridan. Suhbat shu yerga yetganida, Alloh taolo ham gapga aralashadi:
«Bas, bu Kunda ular bugungi holga duchor boʻlishlarini unutganlari va oyatlarimizni inkor qilganlaridek, Biz ham ularni unutamiz».
Yaʼni, ularning muomalasiga mos muomala qilamiz. Bu ham katta maʼnaviy azob. Bu dunyoda insonga oʻzidan yuqoriroq martabadagi tanish bir inson begonalarcha muomala qilsa, gʻoyat ogʻir maʼnaviy holat yuzaga keladi? U dunyoda, qiyomat kuni, Alloh taoloning bunday muomalasini va osiy bandaning ahvolini tasavvur qilib olavering.
Alloh taolo soʻzida davom etib yana quyidagilarni aytadi: