Alloh taolo Valid ibn Mugʻiyraga koʻplab molu-dunyo: tuyalar, otlar, qoʻylar, goʻzal bogʻlar va boshqalarni bergan edi. Abdulloh ibn Abbos roziyallohu anhuning aytishlaricha, uning molu dunyosi Makkadan Toifgacha choʻzilgan edi. Alloh taolo unga yana: «hoziru nozir farzandlar ham» berib qoʻydim,demoqda. Valid ibn Mugʻiyraning oʻnta oʻgʻli boʻlib, u qayerga borsa, birga borishar edi. U esa, oʻz oʻgʻillari bilan faxrlanib yurar edi. Oʻgʻillaridan qoʻrqib, hech kim unga biror narsa deya olmas edi.