إِنَّ هَـٰذِهِۦ تَذْكِرَةٌ ۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا
Muhammad Sodiq Muhammad Yusuf: Albatta, bu (sura) eslatmadur. Bas, kim xohlasa, o`z Robbisiga yo`l oladir.Албатта, бу (сура) эслатмадур. Бас, ким хоҳласа, ўз Роббисига йўл оладир.Alauddin Mansour: Albatta bu (sura) bir pand-nasihatdir. Bas, kim xohlasa (bu pand-nasihatni qabul qilib), Parvardigori tomonga yoʻl tutur.Албатта бу (сура) бир панд-насиҳатдир. Бас, ким хоҳласа (бу панд-насиҳатни қабул қилиб), Парвардигори томонга йўл тутур.
Yaʼni, ushbu sura, uning oyatlari oʻzining daqiq maʼnolari, goʻzal lafzlari, vaʼz-nasihatlari ila eslatmadir.
Kim manfaatni, vaʼzlanishni, saodat yoʻliga yurishni xohlasa, Qurʼon oyatlaridan ibrat olsin. Uning nuri va ziyosidan foydalansin. Oʻz Robbisiga eltuvchi yoʻlni tutsin. Buning uchun U zot azza va jallaning toat-ibodatini qilsin, roziligini istasin. Saodat yoʻllari osondir, najot yoʻllari tekisdir.