Bu oyat oldingi oyati karimaning maʼnosini yana ham kuchliroq taʼkidlash uchun kelgan. Yoʻq! Yana yoʻq! Mushriklar tezda, oʻz boshlariga tushganda, azobni tortganlarida, qayta tirilish nima ekanligini, uning boʻlishi hech shubhasiz haq ekanini albatta biladilar.

Kelgusi oyatlarda esa, oʻlgandan soʻng tiriltirish, qiyomat qoim qilish Alloh taologa osonligini bildirish uchun, insonga har doim uchrab turadigan, Alloh taoloning qudrati cheksiz ekaniga dalolat boʻladigan narsalar haqida soʻz ketadi.