يُجَـٰدِلُونَكَ فِى ٱلْحَقِّ بَعْدَ مَا تَبَيَّنَ كَأَنَّمَا يُسَاقُونَ إِلَى ٱلْمَوْتِ وَهُمْ يَنظُرُونَ
Muhammad Sodiq Muhammad Yusuf: Xuddi o`zlari ko`rib turgan hollarida o`limga haydalayotgandek, haq ayon bo`lgandan keyin ham sen bilan bahslashadilar.Худди ўзлари кўриб турган ҳолларида ўлимга ҳайдалаётгандек, ҳақ аён бўлгандан кейин ҳам сен билан баҳслашадилар.Alauddin Mansour: (Oʻshanda) ular goʻyo koʻrib turgan hollarida oʻlimga haydab ketilayotgandek, Siz bilan aniq-ravshan boʻlgan haqiqat (yaʼni, urushga chiqish) toʻgʻrisida bahslashgan edilar.(Ўшанда) улар гўё кўриб турган ҳолларида ўлимга ҳайдаб кетилаётгандек, Сиз билан аниқ-равшан бўлган ҳақиқат (яъни, урушга чиқиш) тўғрисида баҳслашган эдилар.
Haq ayon boʻlgandan keyin ham, yaʼni, urush boʻlishi ayon boʻlib qolgandan keyin ham, taqdirga tan berib, jangga astoydil tayyorlanish oʻrniga sen bilan bahslashadilar. Chunki, ularga Abu Sufyon karvonni boshqa tomonga burib, sohil boʻylab oʻtib ketganining va qurayshliklar askar tortib kelayotganining aniq xabari yetgan edi. Shunday boʻlsa ham, baʼzilar, biz karvonni qasd qilib chiqqan edik, urushga tayyor emasmiz, deb sen bilan bahs qildilar. Agar urushga borsak, albatta, oʻlamiz, deb oʻyladilar. Xuddi oʻlimlarini oʻz koʻzlari bilan koʻrib turgandek muomala qilmoqdalar.