Har bir insonning bu dunyoda qilayotgan ishlarini farishtalar yozib turadilar va shu yozuvlar toʻplami «nomai aʼmol» boʻlib, qiyomat kuni oʻz qoʻliga topshiriladi.

Ana oʻsha nomai aʼmollarni ushbu oyati karimada «sahifalar» deb atalmoqda. Demak, qiyomat kuni barcha kishilarning sahifalari–nomai aʼmollari nashr qilinadi–yoyiladi. Unda bandaning bu dunyoda zarracha yaxshiligi yoki yomonligi ham aniq va ochiq-oydin bitilgan boʻladi.

Keyingi oyatlarda yana qiyomat kuni borliqda boʻladigan ulkan inqiloblar va hodisalar vasfi davom etadi.