Arab tilida bunday savollarni «istinkor» savoli deyiladi, yaʼni, eshituvchi bu narsani bilmasligi va bila olmasligini taʼkidlash uchun keltiriladi. Oʻzimizda ham birovga bir narsani bilmaysan, degan fikrni taʼkidlabroq aytmoqchi boʻlsak, sen buni qayerdan bilarding, deymiz. Yuqoridagi oyatlar ham mazkur maʼnoni anglatadi. Yaʼni, qiyomat kuni ulugʻ kun, uning haqiqatini bilishga senga yoʻl boʻlsin, degani. Savolning takror kelishi maʼnoni yanada kuchaytiradi.

Ana shundoq istinkor savolidan keyin, bandalarga qiyomat kunining haqiqati va mohiyatini Alloh taoloning Oʻzi vasf qilishga oʻtib, quyidagini aytmoqda: