Moʻminlar dur va yoqutlar bilan bezatilgan, atrofi goʻzal pardalar bilan toʻsilgan soʻrilarda yastanib yotib, doʻzax qaʼrida alvon azoblar chekayotgan kofirlarga nazar solib, ularning ustidan kuladilar. Moʻminlarning kofirlar ustidan kulishidan bir koʻrinishni «Al-Jomeʼ fi ahkomil Qurʼon» tafsiri sohibi imom alQurtubiy quyidagicha vasf qiladilar: «Doʻzaxiylar doʻzaxda turganlarida ularga, chiqinglar, deb doʻzaxning eshiklari ochiladi. Ular eshiklarning ochilganini koʻrishlari bilan, chiqmoqchi boʻlib oʻsha tomon otiladilar. Moʻminlar esa, baland soʻrilarda ularga nazar solib turadilar. Kofirlar doʻzax eshigiga yetib kelishlari bilan yopilib qoladi. Shunda moʻminlar ulardan kuladilar».