قَـٰتِلُوهُمْ يُعَذِّبْهُمُ ٱللَّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ
Muhammad Sodiq Muhammad Yusuf: Ularga qarshi jang qilinglar! Alloh ularni sizning qo`lingiz bilan azoblaydir, xorlaydir va ularga qarshi sizga yordam beradir. Va mo`min qavmlarning ko`ngillariga shifo beradir.Уларга қарши жанг қилинглар! Аллоҳ уларни сизнинг қўлингиз билан азоблайдир, хорлайдир ва уларга қарши сизга ёрдам берадир. Ва мўмин қавмларнинг кўнгилларига шифо берадир.Alauddin Mansour: Ular bilan jang qilinglar, (shunda) Alloh ularni sizlarning qoʻlingiz bilan azoblaydi, rasvo qiladi va sizlarni ularning ustiga gʻolib qiladi hamda moʻmin qavm dillarini qondiradi.Улар билан жанг қилинглар, (шунда) Аллоҳ уларни сизларнинг қўлингиз билан азоблайди, расво қилади ва сизларни уларнинг устига ғолиб қилади ҳамда мўмин қавм дилларини қондиради.
Yaʼni, muhimi sizlar jang qilaveringlar, bu yogʻini Allohning Oʻzi biladi. Alloh sizlarni qudratiga parda qila turib, qoʻllaringiz bilan mushriklarni azoblaydi, xorlaydi. Moʻminlarga nusrat, mushriklarga magʻlubiyat berish bilan avvalda mushriklar ozorlagan moʻminlarning koʻngillarini davolaydi. Islomga yordam berib, uni kufrdan ustun qilish bilan moʻminlarning qalbida yigʻilib qolgan achchiqlarni ketkazadi.
Moʻminlarning gʻolib, kofirlarning magʻlub boʻlishi, Islomning ustun kelib, kufrning qulashi baʼzi mushriklarning koʻzini ochib, iymonga chorlashi mumkin. Shunday boʻlsa, qanday yaxshi. Moʻminlarning jihoddan maqsadlari ham–shu. Odamlar iymonga kelsin, Xudodan boshqaga qul boʻlmasin, deb jihod qiladilar. Agar mushriklar iymonga kelsalar:
«Alloh kimni xohlasa, oʻshaning tavbasini qabul qiladir».
Alloh hamma narsani bilib turadi va faqat hikmat bilan tasarruf qiladi.
«Alloh bilguvchi va hikmatli Zotdir».
Keyingi oyatda jang qilishga buyurishining hikmati nima ekanligi bildiriladi: