لَوْ يَجِدُونَ مَلْجَـًٔا أَوْ مَغَـٰرَٰتٍ أَوْ مُدَّخَلًا لَّوَلَّوْا۟ إِلَيْهِ وَهُمْ يَجْمَحُونَ
Muhammad Sodiq Muhammad Yusuf: Agar biror boshpanohmi, g`ormi yoki kirib oladigan joymi topsalar, shoshilib o`sha tomonga yuzlanarlar.Агар бирор бошпаноҳми, ғорми ёки кириб оладиган жойми топсалар, шошилиб ўша томонга юзланарлар.Alauddin Mansour: Agar ular biron boshpanami, gʻormi yoki kiradigan biron teshikmi topsalar edi, chopganlaricha oʻshanga qarab joʻnab qolgan boʻlur edilar.Агар улар бирон бошпанами, ғорми ёки кирадиган бирон тешикми топсалар эди, чопганларича ўшанга қараб жўнаб қолган бўлур эдилар.
Munofiqlarning munofiq boʻlishining asosiy sabablaridan biri ham ularning qoʻrqoqliklaridir. Ularga jon shirin tuyulib, hamma narsadan qoʻrqib, doimo oʻzlarini panaga olib yuradilar. Qayerdan panoh topsalar, oʻsha yerga joylashadilar. Boshpanoh berganga maʼqul toʻnni kiyadilar. Unga moslashadilar.