وَمِنَ ٱلْأَعْرَابِ مَن يَتَّخِذُ مَا يُنفِقُ مَغْرَمًا وَيَتَرَبَّصُ بِكُمُ ٱلدَّوَآئِرَ ۚ عَلَيْهِمْ دَآئِرَةُ ٱلسَّوْءِ ۗ وَٱللَّهُ سَمِيعٌ عَلِيمٌ
Muhammad Sodiq Muhammad Yusuf: A'robiylardan qilgan infoqni ziyon deb biladigan va sizga balo-ofat kelishini kutib turadiganlari ham bor. Yomon balolari o`zlariga ursin! Alloh eshitguvchi va bilguvchi Zotdir.Аъробийлардан қилган инфоқни зиён деб биладиган ва сизга бало-офат келишини кутиб турадиганлари ҳам бор. Ёмон балолари ўзларига урсин! Аллоҳ эшитгувчи ва билгувчи Зотдир.Alauddin Mansour: Aʼrobiylar orasida shunday kimsalar ham borki, qilgan sadaqasini (oʻzi uchun) ziyon deb biladi va sizlarga (moʻminlarga) balolar kelishiga koʻz tutib turadi. (Barcha) yomon balo(lar) oʻzlariga boʻlsin! Alloh eshitguvchi, bilguvchidir.Аъробийлар орасида шундай кимсалар ҳам борки, қилган садақасини (ўзи учун) зиён деб билади ва сизларга (мўминларга) балолар келишига кўз тутиб туради. (Барча) ёмон бало(лар) ўзларига бўлсин! Аллоҳ эшитгувчи, билгувчидир.
Ushbu oyatda vasfi kelgan aʼrobiylar munofiqlardir. Ular sirtdan oʻzlarini musulmon koʻrsatganlari uchun, Islom dini taqozo qilganidek, musulmonlarga oʻzlarining siri ochilib qolishidan qoʻrqib, zakot berishga va jihod uchun baʼzi bir sarflarni qilishga majbur boʻladilar. Ichlarida esa, katta ziyon koʻrdim, deb kuyunadilar. Ayni chogʻda, ular zamon aylanib, sizning boshingizga balo-ofatlar kelishini ham kutib turadilar. Urushda yengilishingizni orzu qiladilar.
«Yomon balolari oʻzlariga ursin!».
Birovga ofat tilaguncha, oʻzlariga baxt tilasalar boʻlmasmidi?!
«Alloh eshitguvchi va bilguvchi Zotdir».
Munofiqlarning nima deyayotganlarini eshitib turibdi. U zot ularning qilmishlarini ham bilib turibdi. Ayni chogʻda: