Abdulloh ibn Amr ibn al-Os (roziyallohu anhumo)dan rivoyat qilinadi: Bir kishi Paygʻambar ﷺ ning oldilariga kelib: «Yo Rasululloh, tahorat qanday (olinadi)?» — dedi. Shunda u zot idishda suv soʻrab: kaflarini uch marta yuvdilar; soʻng yuzlarini uch marta yuvdilar; soʻng bilaklarini uch marta yuvdilar; soʻng boshlarini mash qildilar — ikkala koʻrsatkich barmoqlarini quloqlariga kiritdilar, bosh barmoqlari bilan quloqlarining tashini, koʻrsatkich barmoqlari bilan ichini mash qildilar; soʻng oyoqlarini uch martadan yuvdilar; soʻng: «Tahorat mana shunday (boʻladi); kim bunga (ziyod) qoʻshsa yoki (undan) kamaytirsa, yomon ish va zulm qilibdi», — yoki: «...zulm va yomon ish qilibdi», — dedilar.Абдуллоҳ ибн Амр ибн ал-Ос (розияллоҳу анҳумо)дан ривоят қилинади: Бир киши Пайғамбар ﷺ нинг олдиларига келиб: «Ё Расулуллоҳ, таҳорат қандай (олинади)?» — деди. Шунда у зот идишда сув сўраб: кафларини уч марта ювдилар; сўнг юзларини уч марта ювдилар; сўнг билакларини уч марта ювдилар; сўнг бошларини маш қилдилар — иккала кўрсаткич бармоқларини қулоқларига киритдилар, бош бармоқлари билан қулоқларининг ташини, кўрсаткич бармоқлари билан ичини маш қилдилар; сўнг оёқларини уч мартадан ювдилар; сўнг: «Таҳорат мана шундай (бўлади); ким бунга (зиёд) қўшса ёки (ундан) камайтирса, ёмон иш ва зулм қилибди», — ёки: «...зулм ва ёмон иш қилибди», — дедилар.