حَدَّثَنَا جَعْفَرُ بْنُ مُسَافِرٍ التِّنِّيسِيُّ، حَدَّثَنَا ابْنُ أَبِي فُدَيْكٍ، حَدَّثَنَا مُوسَى بْنُ يَعْقُوبَ الزَّمْعِيُّ، عَنْ أَبِي حَازِمٍ، عَنْ سَهْلِ بْنِ سَعْدٍ، أَخْبَرَهُ أَنَّ عَلِيَّ بْنَ أَبِي طَالِبٍ دَخَلَ عَلَى فَاطِمَةَ وَحَسَنٌ وَحُسَيْنٌ يَبْكِيَانِ فَقَالَ مَا يُبْكِيهِمَا قَالَتِ الْجُوعُ فَخَرَجَ عَلِيٌّ فَوَجَدَ دِينَارًا بِالسُّوقِ فَجَاءَ إِلَى فَاطِمَةَ فَأَخْبَرَهَا فَقَالَتِ اذْهَبْ إِلَى فُلاَنٍ الْيَهُودِيِّ فَخُذْ دَقِيقًا فَجَاءَ الْيَهُودِيَّ فَاشْتَرَى بِهِ دَقِيقًا فَقَالَ الْيَهُودِيُّ أَنْتَ خَتَنُ هَذَا الَّذِي يَزْعُمُ أَنَّهُ رَسُولُ اللَّهِ قَالَ نَعَمْ . قَالَ فَخُذْ دِينَارَكَ وَلَكَ الدَّقِيقُ . فَخَرَجَ عَلِيٌّ حَتَّى جَاءَ فَاطِمَةَ فَأَخْبَرَهَا فَقَالَتِ اذْهَبْ إِلَى فُلاَنٍ الْجَزَّارِ فَخُذْ لَنَا بِدِرْهَمٍ لَحْمًا فَذَهَبَ فَرَهَنَ الدِّينَارَ بِدِرْهَمِ لَحْمٍ فَجَاءَ بِهِ فَعَجَنَتْ وَنَصَبَتْ وَخَبَزَتْ وَأَرْسَلَتْ إِلَى أَبِيهَا فَجَاءَهُمْ فَقَالَتْ يَا رَسُولَ اللَّهِ أَذْكُرُ لَكَ فَإِنْ رَأَيْتَهُ لَنَا حَلاَلاً أَكَلْنَاهُ وَأَكَلْتَ مَعَنَا مِنْ شَأْنِهِ كَذَا وَكَذَا . فَقَالَ " كُلُوا بِاسْمِ اللَّهِ " . فَأَكَلُوا فَبَيْنَمَا هُمْ مَكَانَهُمْ إِذَا غُلاَمٌ يَنْشُدُ اللَّهَ وَالإِسْلاَمَ الدِّينَارَ فَأَمَرَ رَسُولُ اللَّهِ صلى الله عليه وسلم فَدُعِيَ لَهُ فَسَأَلَهُ . فَقَالَ سَقَطَ مِنِّي فِي السُّوقِ . فَقَالَ النَّبِيُّ صلى الله عليه وسلم " يَا عَلِيُّ اذْهَبْ إِلَى الْجَزَّارِ فَقُلْ لَهُ إِنَّ رَسُولَ اللَّهِ صلى الله عليه وسلم يَقُولُ لَكَ أَرْسِلْ إِلَىَّ بِالدِّينَارِ وَدِرْهَمُكَ عَلَىَّ " . فَأَرْسَلَ بِهِ فَدَفَعَهُ رَسُولُ اللَّهِ صلى الله عليه وسلم إِلَيْهِ .
Sahl ibn Saʼd (roziyallohu anhu)dan rivoyat qilinadi: Ali ibn Abu Tolib (roziyallohu anhu) Fotima (roziyallohu anho)ning oldiga kirsa, Hasan bilan Husayn yigʻlab turishar edi. U: «Bularni nima yigʻlatdi?» dedi. (Fotima): «Ochlik», dedi. Shunda Ali chiqib ketib, bozorda bir dinor topib oldi. Soʻng Fotimaning oldiga kelib, unga xabar berdi. (Fotima): «Falon yahudiyning oldiga borib, (bizga) un olib kel», dedi. U yahudiyning oldiga kelib, unga un sotib oldi. Yahudiy: «Sen oʻzini Allohning Rasuli deb daʼvo qilayotgan kishining kuyovimisan?» dedi. U: «Ha», dedi. (Yahudiy): «Dinoringni ham ol, un ham senga boʻlsin», dedi. Soʻng Ali chiqib, Fotimaning oldiga keldi va unga xabar berdi. (Fotima): «Falon qassobning oldiga borib, bizga bir dirhamga goʻsht olib kel», dedi. U borib, dinorni bir dirhamlik goʻshtga garovga qoʻyib, uni olib keldi. (Fotima xamir) qordi, (qozonni) oʻtga qoʻyib (taom) tayyorladi va non yopdi, soʻng otasiga (kishi) yubordi. U zot ularning oldiga keldi. (Fotima): «Yo Rasululloh, sizga aytay: agar uni biz uchun halol deb topsangiz, biz ham yeymiz, siz ham biz bilan birga yeysiz; uning holi shunday-shunday boʻldi», dedi. Shunda u zot ﷺ: «Allohning nomi bilan yenglar», dedilar. Bas, ular yeya boshlashdi. Ular oʻsha joyda turganlarida, birdan bir yigit Alloh va Islom haqi deb dinorni soʻrab keldi. Rasululloh ﷺ buyurib, uni chaqirtirdilar va undan soʻradilar. (Yigit): «U mendan bozorda tushib qolibdi», dedi. Shunda Nabiy ﷺ: «Ey Ali, qassobning oldiga borib, unga ayt: ‹Rasululloh ﷺ senga aytmoqdaki, dinorni menga yuborib ber, dirhaming mening zimmamda›», dedilar. Bas, (qassob) uni yuborib berdi va Rasululloh ﷺ uni unga (egasiga) topshirdilar.Саҳл ибн Саъд (розияллоҳу анҳу)дан ривоят қилинади: Али ибн Абу Толиб (розияллоҳу анҳу) Фотима (розияллоҳу анҳо)нинг олдига кирса, Ҳасан билан Ҳусайн йиғлаб туришар эди. У: «Буларни нима йиғлатди?» деди. (Фотима): «Очлик», деди. Шунда Али чиқиб кетиб, бозорда бир динор топиб олди. Сўнг Фотиманинг олдига келиб, унга хабар берди. (Фотима): «Фалон яҳудийнинг олдига бориб, (бизга) ун олиб кел», деди. У яҳудийнинг олдига келиб, унга ун сотиб олди. Яҳудий: «Сен ўзини Аллоҳнинг Расули деб даъво қилаётган кишининг куёвимисан?» деди. У: «Ҳа», деди. (Яҳудий): «Динорингни ҳам ол, ун ҳам сенга бўлсин», деди. Сўнг Али чиқиб, Фотиманинг олдига келди ва унга хабар берди. (Фотима): «Фалон қассобнинг олдига бориб, бизга бир дирҳамга гўшт олиб кел», деди. У бориб, динорни бир дирҳамлик гўштга гаровга қўйиб, уни олиб келди. (Фотима хамир) қорди, (қозонни) ўтга қўйиб (таом) тайёрлади ва нон ёпди, сўнг отасига (киши) юборди. У зот уларнинг олдига келди. (Фотима): «Ё Расулуллоҳ, сизга айтай: агар уни биз учун ҳалол деб топсангиз, биз ҳам еймиз, сиз ҳам биз билан бирга ейсиз; унинг ҳоли шундай-шундай бўлди», деди. Шунда у зот ﷺ: «Аллоҳнинг номи билан енглар», дедилар. Бас, улар ея бошлашди. Улар ўша жойда турганларида, бирдан бир йигит Аллоҳ ва Ислом ҳақи деб динорни сўраб келди. Расулуллоҳ ﷺ буюриб, уни чақиртирдилар ва ундан сўрадилар. (Йигит): «У мендан бозорда тушиб қолибди», деди. Шунда Набий ﷺ: «Эй Али, қассобнинг олдига бориб, унга айт: ‹Расулуллоҳ ﷺ сенга айтмоқдаки, динорни менга юбориб бер, дирҳаминг менинг зиммамда›», дедилар. Бас, (қассоб) уни юбориб берди ва Расулуллоҳ ﷺ уни унга (эгасига) топширдилар.