Abdulloh ibn Amr (roziyallohu anhumo)dan rivoyat qilinadi: Rasululloh ﷺ: «Musulmon kishi kofir (oʻrnida qasos uchun) oʻldirilmaydi», dedilar. Yana shu isnod bilan Nabiy ﷺdan: «Kofirning diyati moʻminning diyatining yarmidir», deganlari rivoyat qilinadi. Abu Iso aytdi: Bu bobdagi Abdulloh ibn Amrning hadisi hasan hadisdir. Ilm ahli yahudiy va nasroniyning diyati haqida ixtilof qilganlar. Baʼzi ilm ahli yahudiy va nasroniyning diyatida Nabiy ﷺdan rivoyat qilingan narsaga (ergashib) qaror qilganlar. Umar ibn Abdulaziz: «Yahudiy va nasroniyning diyati musulmonning diyatining yarmidir», degan. Ahmad ibn Hanbal ham shunday deydi. Umar ibn al-Xattobdan rivoyat qilinishicha, u: «Yahudiy va nasroniyning diyati toʻrt ming dirham, majusiyning diyati esa sakkiz yuz dirhamdir», degan. Molik ibn Anas, Shofiʼiy va Ishoq ham shunday deydilar. Baʼzi ilm ahli esa: «Yahudiy va nasroniyning diyati musulmonning diyati misli kabidir», deganlar. Bu Sufyon as-Savriy va Kufa ahlining soʻzidir.Абдуллоҳ ибн Амр (розияллоҳу анҳумо)дан ривоят қилинади: Расулуллоҳ ﷺ: «Мусулмон киши кофир (ўрнида қасос учун) ўлдирилмайди», дедилар. Яна шу иснод билан Набий ﷺдан: «Кофирнинг дияти мўминнинг диятининг ярмидир», деганлари ривоят қилинади. Абу Исо айтди: Бу бобдаги Абдуллоҳ ибн Амрнинг ҳадиси ҳасан ҳадисдир. Илм аҳли яҳудий ва насронийнинг дияти ҳақида ихтилоф қилганлар. Баъзи илм аҳли яҳудий ва насронийнинг диятида Набий ﷺдан ривоят қилинган нарсага (эргашиб) қарор қилганлар. Умар ибн Абдулазиз: «Яҳудий ва насронийнинг дияти мусулмоннинг диятининг ярмидир», деган. Аҳмад ибн Ҳанбал ҳам шундай дейди. Умар ибн ал-Хаттобдан ривоят қилинишича, у: «Яҳудий ва насронийнинг дияти тўрт минг дирҳам, мажусийнинг дияти эса саккиз юз дирҳамдир», деган. Молик ибн Анас, Шофиъий ва Ишоқ ҳам шундай дейдилар. Баъзи илм аҳли эса: «Яҳудий ва насронийнинг дияти мусулмоннинг дияти мисли кабидир», деганлар. Бу Суфён ас-Саврий ва Куфа аҳлининг сўзидир.