حَدَّثَنَا الْقَعْنَبِيُّ، عَنْ مَالِكٍ، عَنْ هِشَامِ بْنِ عُرْوَةَ، ح وَحَدَّثَنَا ابْنُ السَّرْحِ، حَدَّثَنَا ابْنُ وَهْبٍ، عَنْ مَالِكٍ، عَنْ هِشَامِ بْنِ عُرْوَةَ، عَنْ أَبِيهِ، أَنَّهُ قَالَ قُلْتُ لِعَائِشَةَ زَوْجِ النَّبِيِّ صلى الله عليه وسلم وَأَنَا يَوْمَئِذٍ حَدِيثُ السِّنِّ أَرَأَيْتِ قَوْلَ اللَّهِ تَعَالَى { إِنَّ الصَّفَا وَالْمَرْوَةَ مِنْ شَعَائِرِ اللَّهِ } فَمَا أَرَى عَلَى أَحَدٍ شَيْئًا أَنْ لاَ يَطَّوَّفَ بِهِمَا . قَالَتْ عَائِشَةُ كَلاَّ لَوْ كَانَ كَمَا تَقُولُ كَانَتْ فَلاَ جُنَاحَ عَلَيْهِ أَنْ لاَ يَطَّوَّفَ بِهِمَا إِنَّمَا أُنْزِلَتْ هَذِهِ الآيَةُ فِي الأَنْصَارِ كَانُوا يُهِلُّونَ لِمَنَاةَ وَكَانَتْ مَنَاةُ حَذْوَ قُدَيْدٍ وَكَانُوا يَتَحَرَّجُونَ أَنْ يَطُوفُوا بَيْنَ الصَّفَا وَالْمَرْوَةِ فَلَمَّا جَاءَ الإِسْلاَمُ سَأَلُوا رَسُولَ اللَّهِ صلى الله عليه وسلم عَنْ ذَلِكَ فَأَنْزَلَ اللَّهُ تَعَالَى { إِنَّ الصَّفَا وَالْمَرْوَةَ مِنْ شَعَائِرِ اللَّهِ } .
Urva ibn Zubayr (rahimahulloh) aytadilar: «Men yosh bola edim, Paygʻambar ﷺning zavjalari Oisha (roziyallohu anho)ga: ‹Alloh taoloning: {Albatta, Safo va Marva Allohning (dini) shiorlaridandir} degan soʻzi haqida nima deysiz? Men, kim ular ikkisi orasida tavof (saʼy) qilmasa, unga hech narsa (gunoh) yoʻq deb oʻylayman› dedim. Oisha (roziyallohu anho): ‹Yoʻq! Agar sen aytganingdek boʻlganida, ‹ular ikkisi orasida tavof qilmaslik gunoh emas edi› (deb nozil boʻlardi). Bu oyat ansorlar haqida nozil boʻlgan. Ular Manot (deb atalgan but) uchun (haj niyatida) talbiya aytar edilar. Manot esa Qudayd roʻparasida (oʻrnatilgan) edi. Ular Safo bilan Marva orasida tavof qilishdan tortinar edilar. Islom kelganida, ular bu haqda Rasululloh ﷺdan soʻradilar. Shunda Alloh taolo: {Albatta, Safo va Marva Allohning (dini) shiorlaridandir} (oyatini) nozil qildi›, dedilar» (Baqara 158).Урва ибн Зубайр (раҳимаҳуллоҳ) айтадилар: «Мен ёш бола эдим, Пайғамбар ﷺнинг завжалари Оиша (розияллоҳу анҳо)га: ‹Аллоҳ таолонинг: {Албатта, Сафо ва Марва Аллоҳнинг (дини) шиорларидандир} деган сўзи ҳақида нима дейсиз? Мен, ким улар иккиси орасида тавоф (саъй) қилмаса, унга ҳеч нарса (гуноҳ) йўқ деб ўйлайман› дедим. Оиша (розияллоҳу анҳо): ‹Йўқ! Агар сен айтганингдек бўлганида, ‹улар иккиси орасида тавоф қилмаслик гуноҳ эмас эди› (деб нозил бўларди). Бу оят ансорлар ҳақида нозил бўлган. Улар Манот (деб аталган бут) учун (ҳаж ниятида) талбия айтар эдилар. Манот эса Қудайд рўпарасида (ўрнатилган) эди. Улар Сафо билан Марва орасида тавоф қилишдан тортинар эдилар. Ислом келганида, улар бу ҳақда Расулуллоҳ ﷺдан сўрадилар. Шунда Аллоҳ таоло: {Албатта, Сафо ва Марва Аллоҳнинг (дини) шиорларидандир} (оятини) нозил қилди›, дедилар» (Бақара 158).