حَدَّثَنَا مُحَمَّدُ بْنُ كَثِيرٍ، أَخْبَرَنَا سُفْيَانُ، عَنْ أَبِي إِسْحَاقَ، عَنْ أَبِي عُبَيْدَةَ، عَنْ عَبْدِ اللَّهِ بْنِ مَسْعُودٍ، فِي خُطْبَةِ الْحَاجَةِ فِي النِّكَاحِ وَغَيْرِهِ ح وَحَدَّثَنَا مُحَمَّدُ بْنُ سُلَيْمَانَ الأَنْبَارِيُّ - الْمَعْنَى - حَدَّثَنَا وَكِيعٌ عَنْ إِسْرَائِيلَ عَنْ أَبِي إِسْحَاقَ عَنْ أَبِي الأَحْوَصِ وَأَبِي عُبَيْدَةَ عَنْ عَبْدِ اللَّهِ قَالَ عَلَّمَنَا رَسُولُ اللَّهِ صلى الله عليه وسلم خُطْبَةَ الْحَاجَةِ " إِنَّ الْحَمْدَ لِلَّهِ نَسْتَعِينُهُ وَنَسْتَغْفِرُهُ وَنَعُوذُ بِهِ مِنْ شُرُورِ أَنْفُسِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ يَا أَيُّهَا الَّذِينَ آمَنُوا { اتَّقُوا اللَّهَ الَّذِي تَسَاءَلُونَ بِهِ وَالأَرْحَامَ إِنَّ اللَّهَ كَانَ عَلَيْكُمْ رَقِيبًا } { يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ } { يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا } . لَمْ يَقُلْ مُحَمَّدُ بْنُ سُلَيْمَانَ إِنَّ .
Abdulloh ibn Masʼud (roziyallohu anhu)dan nikoh va boshqa (hojatlarda oʻqiladigan) hojat xutbasi haqida rivoyat qilinadi. Abdulloh (roziyallohu anhu) dedi: Rasululloh ﷺ bizga hojat xutbasini taʼlim berib (shunday) dedilar: «Albatta, hamd Allohgadir, Undan yordam soʻraymiz va Undan magʻfirat tilaymiz, nafslarimizning yomonliklaridan Unga panoh tortamiz. Allohni kim hidoyat qilsa, uni adashtiruvchi yoʻq; kimni adashtirsa, uni hidoyat qiluvchi yoʻq. Guvohlik beramanki, Allohdan oʻzga iloh yoʻq va guvohlik beramanki, Muhammad Uning bandasi va Rasulidir. Ey iymon keltirganlar! {Bir-biringizdan (haq) soʻraydigan Allohdan qoʻrqingiz va qarindoshlik aloqalarini (uzishdan saqlaningiz). Albatta, Alloh sizlarni kuzatib turuvchidir} (Niso 1). {Ey iymon keltirganlar! Allohdan haqqi-rost qoʻrqingiz va faqat musulmon boʻlgan holingizdagina vafot etingiz} (Oli Imron 102). {Ey iymon keltirganlar! Allohdan qoʻrqingiz va toʻgʻri soʻzni soʻzlangiz. (Shunda Alloh) amallaringizni isloh qiladi va gunohlaringizni magʻfirat qiladi. Kim Allohga va Uning Rasuliga itoat etsa, bas, u buyuk yutuqqa erishibdi} (Ahzob 70-71)». Muhammad ibn Sulaymon «inna» (soʻzini) aytmadi.Абдуллоҳ ибн Масъуд (розияллоҳу анҳу)дан никоҳ ва бошқа (ҳожатларда ўқиладиган) ҳожат хутбаси ҳақида ривоят қилинади. Абдуллоҳ (розияллоҳу анҳу) деди: Расулуллоҳ ﷺ бизга ҳожат хутбасини таълим бериб (шундай) дедилар: «Албатта, ҳамд Аллоҳгадир, Ундан ёрдам сўраймиз ва Ундан мағфират тилаймиз, нафсларимизнинг ёмонликларидан Унга паноҳ тортамиз. Аллоҳни ким ҳидоят қилса, уни адаштирувчи йўқ; кимни адаштирса, уни ҳидоят қилувчи йўқ. Гувоҳлик бераманки, Аллоҳдан ўзга илоҳ йўқ ва гувоҳлик бераманки, Муҳаммад Унинг бандаси ва Расулидир. Эй иймон келтирганлар! {Бир-бирингиздан (ҳақ) сўрайдиган Аллоҳдан қўрқингиз ва қариндошлик алоқаларини (узишдан сақланингиз). Албатта, Аллоҳ сизларни кузатиб турувчидир} (Нисо 1). {Эй иймон келтирганлар! Аллоҳдан ҳаққи-рост қўрқингиз ва фақат мусулмон бўлган ҳолингиздагина вафот этингиз} (Оли Имрон 102). {Эй иймон келтирганлар! Аллоҳдан қўрқингиз ва тўғри сўзни сўзлангиз. (Шунда Аллоҳ) амалларингизни ислоҳ қилади ва гуноҳларингизни мағфират қилади. Ким Аллоҳга ва Унинг Расулига итоат этса, бас, у буюк ютуққа эришибди} (Аҳзоб 70-71)». Муҳаммад ибн Сулаймон «инна» (сўзини) айтмади.