حَدَّثَنَا مُوسَى بْنُ إِسْمَاعِيلَ، حَدَّثَنَا أَبَانُ بْنُ يَزِيدَ الْعَطَّارُ، حَدَّثَنَا يَحْيَى بْنُ أَبِي كَثِيرٍ، حَدَّثَنِي أَبُو سَلَمَةَ بْنُ عَبْدِ الرَّحْمَنِ، أَنَّ فَاطِمَةَ بِنْتَ قَيْسٍ، حَدَّثَتْهُ أَنَّ أَبَا حَفْصِ بْنَ الْمُغِيرَةِ طَلَّقَهَا ثَلاَثًا وَسَاقَ الْحَدِيثَ فِيهِ وَأَنَّ خَالِدَ بْنَ الْوَلِيدِ وَنَفَرًا مِنْ بَنِي مَخْزُومٍ أَتَوُا النَّبِيَّ صلى الله عليه وسلم فَقَالُوا يَا نَبِيَّ اللَّهِ إِنَّ أَبَا حَفْصِ بْنَ الْمُغِيرَةِ طَلَّقَ امْرَأَتَهُ ثَلاَثًا وَإِنَّهُ تَرَكَ لَهَا نَفَقَةً يَسِيرَةً فَقَالَ " لاَ نَفَقَةَ لَهَا " . وَسَاقَ الْحَدِيثَ وَحَدِيثُ مَالِكٍ أَتَمُّ .
Abu Salama ibn Abdurahmon (rahimahulloh) aytadiki, Fotima binti Qays (roziyallohu anho) unga rivoyat qildiki, Abu Hafs ibn Mugʻiyra uni uch (taloq) bilan taloq qildi. — (Roviy) hadisni soʻzlab berdi — Xolid ibn Valid va Banu Maxzumdan bir nechta kishi Nabiy ﷺ huzurlariga kelib: «Ey Allohning Nabiysi, Abu Hafs ibn Mugʻiyra xotinini uch (taloq) bilan taloq qildi va unga ozgina nafaqa qoldirdi», dedilar. Shunda u zot: «Unga nafaqa yoʻqdir», dedilar. — (Roviy) hadisni soʻzlab berdi. — Molikning hadisi (rivoyati) toʻliqroqdir.Абу Салама ибн Абдураҳмон (раҳимаҳуллоҳ) айтадики, Фотима бинти Қайс (розияллоҳу анҳо) унга ривоят қилдики, Абу Ҳафс ибн Муғийра уни уч (талоқ) билан талоқ қилди. — (Ровий) ҳадисни сўзлаб берди — Холид ибн Валид ва Бану Махзумдан бир нечта киши Набий ﷺ ҳузурларига келиб: «Эй Аллоҳнинг Набийси, Абу Ҳафс ибн Муғийра хотинини уч (талоқ) билан талоқ қилди ва унга озгина нафақа қолдирди», дедилар. Шунда у зот: «Унга нафақа йўқдир», дедилар. — (Ровий) ҳадисни сўзлаб берди. — Моликнинг ҳадиси (ривояти) тўлиқроқдир.