Abdulloh ibn Jaʼfar (roziyallohu anhumo)dan rivoyat qilinadi: Bir kuni Rasululloh ﷺ meni (ulovda) ortlariga mindirib oldilar va menga bir gapni sir tutib aytdilarki, men uni odamlardan biror kishiga aytmasam (kerak). Rasululloh ﷺ hojatlarini chiqarish uchun pana qiladigan eng yaxshi koʻrgan narsalari biror tepalik yoki xurmozor edi. (Roviy) aytdi: Bas, u zot ansorlardan boʻlgan bir kishining bogʻiga kirdilar. Birdan bir tuya (paydo boʻldi). U Paygʻambar ﷺni koʻrgach, nola qildi va koʻzlaridan yosh oqdi. Shunda Paygʻambar ﷺ uning oldiga keldilar-da, quloqlari orqasini siladilar, u esa jim boʻldi. Soʻng: «Bu tuyaning egasi kim? Bu tuya kimniki?» dedilar. Shunda ansorlardan boʻlgan bir yigit kelib: «Bu meniki, ey Allohning Rasuli», dedi. Shunda u zot: «Alloh seni egasi qilgan bu hayvon haqida Allohdan qoʻrqmaysanmi? U meni huzurimda, sen uni och qoldirayotganingdan va horitayotganingdan shikoyat qildi», dedilar.Абдуллоҳ ибн Жаъфар (розияллоҳу анҳумо)дан ривоят қилинади: Бир куни Расулуллоҳ ﷺ мени (уловда) ортларига миндириб олдилар ва менга бир гапни сир тутиб айтдиларки, мен уни одамлардан бирор кишига айтмасам (керак). Расулуллоҳ ﷺ ҳожатларини чиқариш учун пана қиладиган энг яхши кўрган нарсалари бирор тепалик ёки хурмозор эди. (Ровий) айтди: Бас, у зот ансорлардан бўлган бир кишининг боғига кирдилар. Бирдан бир туя (пайдо бўлди). У Пайғамбар ﷺни кўргач, нола қилди ва кўзларидан ёш оқди. Шунда Пайғамбар ﷺ унинг олдига келдилар-да, қулоқлари орқасини силадилар, у эса жим бўлди. Сўнг: «Бу туянинг эгаси ким? Бу туя кимники?» дедилар. Шунда ансорлардан бўлган бир йигит келиб: «Бу меники, эй Аллоҳнинг Расули», деди. Шунда у зот: «Аллоҳ сени эгаси қилган бу ҳайвон ҳақида Аллоҳдан қўрқмайсанми? У мени ҳузуримда, сен уни оч қолдираётганингдан ва ҳоритаётганингдан шикоят қилди», дедилар.