Baroʼ ibn Ozib (roziyallohu anhu) hadis aytib bunday dedi: Rasululloh ﷺ Uhud kuni kamonchilarga — ular ellik kishi edi — Abdulloh ibn Jubayrni (boshliq) qilib qoʻydilar va: «Agar bizni qushlar (oʻliklarimizni) talayotganini koʻrsangiz ham, sizlarga (xabar) yuborgunimcha, mana shu joyingizdan jilmanglar; agar bizni qavmni magʻlub etib, ularni oyoq ostiga olganimizni koʻrsangiz ham, sizlarga (xabar) yuborgunimcha jilmanglar», dedilar. (Baroʼ) dedi: Soʻng Alloh ularni (mushriklarni) magʻlub etdi. (Baroʼ) dedi: Allohga qasamki, men ayollarni togʻ tomon yugurib chiqayotganini koʻrdim. Shunda Abdulloh ibn Jubayrning safdoshlari: «Oʻlja! Ey qavm, oʻlja! Safdoshlaringiz gʻolib boʻldi-ku, nimani kutyapsiz?» dedilar. Abdulloh ibn Jubayr: «Rasululloh ﷺ sizlarga aytgan (gap)ni unutdingizmi?» dedi. Ular: «Allohga qasamki, biz odamlarning oldiga boramiz va albatta oʻljadan olamiz», dedilar. Soʻng (mushriklar) oldiga keldilar; biroq yuzlari (orqaga) burildi va magʻlub holda qaytdilar.Барў ибн Озиб (розияллоҳу анҳу) ҳадис айтиб бундай деди: Расулуллоҳ ﷺ Уҳуд куни камончиларга — улар эллик киши эди — Абдуллоҳ ибн Жубайрни (бошлиқ) қилиб қўйдилар ва: «Агар бизни қушлар (ўликларимизни) талаётганини кўрсангиз ҳам, сизларга (хабар) юборгунимча, мана шу жойингиздан жилманглар; агар бизни қавмни мағлуб этиб, уларни оёқ остига олганимизни кўрсангиз ҳам, сизларга (хабар) юборгунимча жилманглар», дедилар. (Барў) деди: Сўнг Аллоҳ уларни (мушрикларни) мағлуб этди. (Барў) деди: Аллоҳга қасамки, мен аёлларни тоғ томон югуриб чиқаётганини кўрдим. Шунда Абдуллоҳ ибн Жубайрнинг сафдошлари: «Ўлжа! Эй қавм, ўлжа! Сафдошларингиз ғолиб бўлди-ку, нимани кутяпсиз?» дедилар. Абдуллоҳ ибн Жубайр: «Расулуллоҳ ﷺ сизларга айтган (гап)ни унутдингизми?» деди. Улар: «Аллоҳга қасамки, биз одамларнинг олдига борамиз ва албатта ўлжадан оламиз», дедилар. Сўнг (мушриклар) олдига келдилар; бироқ юзлари (орқага) бурилди ва мағлуб ҳолда қайтдилар.