Hafs ibn Umar an-Namariy bizga Shuʼbadan, u Sulaymon ibn Abdurrahmondan, u Ubayd ibn Fayruzdan rivoyat qildi. (Ubayd) dedi: Men Baroʼ ibn Ozib (roziyallohu anhu)dan qurbonliklarda nimalar joiz boʻlmasligini soʻradim. U dedi: Rasululloh ﷺ oramizda turib (qoʻllari bilan ishora qilib aytdilar) — mening barmoqlarim u zotning barmoqlaridan kaltaroq, bandlarim u zotning bandlaridan kaltaroqdir —: «Toʻrt (xil hayvon) qurbonlikda joiz boʻlmaydi: koʻrligi ochiq-oydin koʻzi koʻr boʻlgan, kasalligi ochiq-oydin koʻrinib turgan kasal, oqsoqligi ochiq-oydin bilinib turgan oqsoq va iligi qolmagan (oriqlab ketgan) singan hayvon». (Ubayd) dedi: Men: «Men tishida nuqson boʻlishini ham yoqtirmayman», dedim. U: «Oʻzing yoqtirmaganni qoldir, lekin uni biror kishiga harom qilma», dedi. Abu Dovud dedi: Uning (iligi qolmagan hayvonning) iligi yoʻqdir.Ҳафс ибн Умар ан-Намарий бизга Шуъбадан, у Сулаймон ибн Абдурраҳмондан, у Убайд ибн Файруздан ривоят қилди. (Убайд) деди: Мен Барў ибн Озиб (розияллоҳу анҳу)дан қурбонликларда нималар жоиз бўлмаслигини сўрадим. У деди: Расулуллоҳ ﷺ орамизда туриб (қўллари билан ишора қилиб айтдилар) — менинг бармоқларим у зотнинг бармоқларидан калтароқ, бандларим у зотнинг бандларидан калтароқдир —: «Тўрт (хил ҳайвон) қурбонликда жоиз бўлмайди: кўрлиги очиқ-ойдин кўзи кўр бўлган, касаллиги очиқ-ойдин кўриниб турган касал, оқсоқлиги очиқ-ойдин билиниб турган оқсоқ ва илиги қолмаган (ориқлаб кетган) синган ҳайвон». (Убайд) деди: Мен: «Мен тишида нуқсон бўлишини ҳам ёқтирмайман», дедим. У: «Ўзинг ёқтирмаганни қолдир, лекин уни бирор кишига ҳаром қилма», деди. Абу Довуд деди: Унинг (илиги қолмаган ҳайвоннинг) илиги йўқдир.