حَدَّثَنَا مُحَمَّدُ بْنُ الْمُثَنَّى، عَنْ أَبِي دَاوُدَ، ح وَحَدَّثَنَا نَصْرُ بْنُ الْمُهَاجِرِ، حَدَّثَنَا يَزِيدُ بْنُ هَارُونَ، عَنِ الْمَسْعُودِيِّ، عَنْ عَمْرِو بْنِ مُرَّةَ، عَنِ ابْنِ أَبِي لَيْلَى، عَنْ مُعَاذِ بْنِ جَبَلٍ، قَالَ أُحِيلَتِ الصَّلاَةُ ثَلاَثَةَ أَحْوَالٍ وَأُحِيلَ الصِّيَامُ ثَلاَثَةَ أَحْوَالٍ وَسَاقَ نَصْرٌ الْحَدِيثَ بِطُولِهِ وَاقْتَصَّ ابْنُ الْمُثَنَّى مِنْهُ قِصَّةَ صَلاَتِهِمْ نَحْوَ بَيْتِ الْمَقْدِسِ قَطُّ قَالَ الْحَالُ الثَّالِثُ أَنَّ رَسُولَ اللَّهِ صلى الله عليه وسلم قَدِمَ الْمَدِينَةَ فَصَلَّى - يَعْنِي نَحْوَ بَيْتِ الْمَقْدِسِ - ثَلاَثَةَ عَشَرَ شَهْرًا فَأَنْزَلَ اللَّهُ تَعَالَى هَذِهِ الآيَةَ { قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ وَحَيْثُ مَا كُنْتُمْ فَوَلُّوا وُجُوهَكُمْ شَطْرَهُ } فَوَجَّهَهُ اللَّهُ تَعَالَى إِلَى الْكَعْبَةِ . وَتَمَّ حَدِيثُهُ وَسَمَّى نَصْرٌ صَاحِبَ الرُّؤْيَا قَالَ فَجَاءَ عَبْدُ اللَّهِ بْنُ زَيْدٍ رَجُلٌ مِنَ الأَنْصَارِ وَقَالَ فِيهِ فَاسْتَقْبَلَ الْقِبْلَةَ قَالَ اللَّهُ أَكْبَرُ اللَّهُ أَكْبَرُ أَشْهَدُ أَنْ لاَ إِلَهَ إِلاَّ اللَّهُ أَشْهَدُ أَنْ لاَ إِلَهَ إِلاَّ اللَّهُ أَشْهَدُ أَنَّ مُحَمَّدًا رَسُولُ اللَّهِ أَشْهَدُ أَنَّ مُحَمَّدًا رَسُولُ اللَّهِ حَىَّ عَلَى الصَّلاَةِ مَرَّتَيْنِ حَىَّ عَلَى الْفَلاَحِ مَرَّتَيْنِ اللَّهُ أَكْبَرُ اللَّهُ أَكْبَرُ لاَ إِلَهَ إِلاَّ اللَّهُ ثُمَّ أَمْهَلَ هُنَيَّةً ثُمَّ قَامَ فَقَالَ مِثْلَهَا إِلاَّ أَنَّهُ قَالَ زَادَ بَعْدَ مَا قَالَ " حَىَّ عَلَى الْفَلاَحِ " . قَدْ قَامَتِ الصَّلاَةُ قَدْ قَامَتِ الصَّلاَةُ . قَالَ فَقَالَ رَسُولُ اللَّهِ صلى الله عليه وسلم " لَقِّنْهَا بِلاَلاً " . فَأَذَّنَ بِهَا بِلاَلٌ وَقَالَ فِي الصَّوْمِ قَالَ فَإِنَّ رَسُولَ اللَّهِ صلى الله عليه وسلم كَانَ يَصُومُ ثَلاَثَةَ أَيَّامٍ مِنْ كُلِّ شَهْرٍ وَيَصُومُ يَوْمَ عَاشُورَاءَ فَأَنْزَلَ اللَّهُ تَعَالَى { كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنَ قَبْلِكُمْ } إِلَى قَوْلِهِ { طَعَامُ مِسْكِينٍ } فَكَانَ مَنْ شَاءَ أَنْ يَصُومَ صَامَ وَمَنْ شَاءَ أَنْ يُفْطِرَ وَيُطْعِمَ كُلَّ يَوْمٍ مِسْكِينًا أَجْزَأَهُ ذَلِكَ وَهَذَا حَوْلٌ فَأَنْزَلَ اللَّهُ تَعَالَى { شَهْرُ رَمَضَانَ الَّذِي أُنْزِلَ فِيهِ الْقُرْآنُ } إِلَى { أَيَّامٍ أُخَرَ } فَثَبَتَ الصِّيَامُ عَلَى مَنْ شَهِدَ الشَّهْرَ وَعَلَى الْمُسَافِرِ أَنْ يَقْضِيَ وَثَبَتَ الطَّعَامُ لِلشَّيْخِ الْكَبِيرِ وَالْعَجُوزِ اللَّذَيْنِ لاَ يَسْتَطِيعَانِ الصَّوْمَ وَجَاءَ صِرْمَةُ وَقَدْ عَمِلَ يَوْمَهُ وَسَاقَ الْحَدِيثَ .
Muoz ibn Jabal (roziyallohu anhu) aytadi: Namoz uch holatdan oʻtgan va roʻza ham uch holatdan oʻtgan. Nasr hadisni toʻliq keltirdi, Ibn al-Musanno esa undan ularning Baytul-Maqdis tomon namoz oʻqishlari qissasini qisqacha aytdi. (Muoz) aytdi: Uchinchi holat shuki, Rasululloh ﷺ Madinaga kelib, Baytul-Maqdis tomonga qarab oʻn uch oy namoz oʻqidilar. Soʻng Alloh taolo bu oyatni nozil qildi: {(Ey Muhammad,) Biz yuzingizning osmonga oʻgirilayotganini koʻrib turibmiz. Bas, albatta, Biz sizni oʻzingiz rozi boʻladigan qiblaga yuzlantiramiz. Endi yuzingizni Masjidul-Harom tomon qayuring. (Ey musulmonlar,) qaerda boʻlsangiz, yuzlaringizni oʻsha tomon qayuringlar} (Baqara 144). Shunda Alloh taolo uni Kaʼba tomon yuzlantirdi. Uning hadisi shu (yerda) tamom boʻldi. Nasr ruʼyo (tush) sohibining ismini aytib (shunday) dedi: Ansorlardan bir kishi ‒ Abdulloh ibn Zayd (roziyallohu anhu) keldi, (Nasr hadisida): «U qiblaga yuzlanib: ‹Allohu akbar, Allohu akbar. Ashhadu an la ilaha illalloh, ashhadu an la ilaha illalloh. Ashhadu anna Muhammadan rasululloh, ashhadu anna Muhammadan rasululloh. Hayya alas-salah› ‒ ikki marta, ‹Hayya alal-falah› ‒ ikki marta, ‹Allohu akbar, Allohu akbar. La ilaha illalloh› dedi. Soʻng bir oz toʻxtab, soʻng turib xuddi shunday aytdi, faqat ‹Hayya alal-falah› deganidan keyin ‹Qad qomatis-salah, qad qomatis-salah› deb qoʻshdi» degan soʻzlar bor. (Roviy) aytadi: Shunda Rasululloh ﷺ: «Buni Bilolga oʻrgat» dedilar. Bilol u bilan azon aytdi. (Muoz) roʻza haqida (shunday) dedi: Rasululloh ﷺ har oyda uch kun roʻza tutar va Ashuro kunini roʻza tutar edilar. Soʻng Alloh taolo: {Sizlardan oldingilarga farz qilingani kabi sizlarga ham roʻza farz qilindi} (oyatini) {miskinning taomidir} (degan soʻzigacha) nozil qildi (Baqara 183-184). Bas, kim xohlasa roʻza tutar, kim xohlasa iftor qilib, har kuni bir miskinni taomlantirsa, bu unga kifoya qilar edi ‒ bu (ikkinchi) holat edi. Soʻng Alloh taolo: {Ramazon oyiki, unda Qurʼon nozil qilingan} (oyatini) {boshqa kunlardan (sanab roʻza tutsin)} (degan soʻzigacha) nozil qildi (Baqara 185). Shu bilan oyga (sogʻ-salomat) hozir boʻlgan kishiga roʻza, musofirga esa qazo qilish qaror topdi va roʻza tuta olmaydigan keksa chol va kampirga taomlantirish qaror topdi. (Shu kunda) Sirma keldi, u kuni (kun boʻyi) ishlagan edi... (roviy) hadisni davom ettirdi.Муоз ибн Жабал (розияллоҳу анҳу) айтади: Намоз уч ҳолатдан ўтган ва рўза ҳам уч ҳолатдан ўтган. Наср ҳадисни тўлиқ келтирди, Ибн ал-Мусанно эса ундан уларнинг Байтул-Мақдис томон намоз ўқишлари қиссасини қисқача айтди. (Муоз) айтди: Учинчи ҳолат шуки, Расулуллоҳ ﷺ Мадинага келиб, Байтул-Мақдис томонга қараб ўн уч ой намоз ўқидилар. Сўнг Аллоҳ таоло бу оятни нозил қилди: {(Эй Муҳаммад,) Биз юзингизнинг осмонга ўгирилаётганини кўриб турибмиз. Бас, албатта, Биз сизни ўзингиз рози бўладиган қиблага юзлантирамиз. Энди юзингизни Масжидул-Ҳаром томон қаюринг. (Эй мусулмонлар,) қаэрда бўлсангиз, юзларингизни ўша томон қаюринглар} (Бақара 144). Шунда Аллоҳ таоло уни Каъба томон юзлантирди. Унинг ҳадиси шу (ерда) тамом бўлди. Наср руъё (туш) соҳибининг исмини айтиб (шундай) деди: Ансорлардан бир киши ‒ Абдуллоҳ ибн Зайд (розияллоҳу анҳу) келди, (Наср ҳадисида): «У қиблага юзланиб: ‹Аллоҳу акбар, Аллоҳу акбар. Ашҳаду ан ла илаҳа иллаллоҳ, ашҳаду ан ла илаҳа иллаллоҳ. Ашҳаду анна Муҳаммадан расулуллоҳ, ашҳаду анна Муҳаммадан расулуллоҳ. Ҳайя алас-салаҳ› ‒ икки марта, ‹Ҳайя алал-фалаҳ› ‒ икки марта, ‹Аллоҳу акбар, Аллоҳу акбар. Ла илаҳа иллаллоҳ› деди. Сўнг бир оз тўхтаб, сўнг туриб худди шундай айтди, фақат ‹Ҳайя алал-фалаҳ› деганидан кейин ‹Қад қоматис-салаҳ, қад қоматис-салаҳ› деб қўшди» деган сўзлар бор. (Ровий) айтади: Шунда Расулуллоҳ ﷺ: «Буни Билолга ўргат» дедилар. Билол у билан азон айтди. (Муоз) рўза ҳақида (шундай) деди: Расулуллоҳ ﷺ ҳар ойда уч кун рўза тутар ва Ашуро кунини рўза тутар эдилар. Сўнг Аллоҳ таоло: {Сизлардан олдингиларга фарз қилингани каби сизларга ҳам рўза фарз қилинди} (оятини) {мискиннинг таомидир} (деган сўзигача) нозил қилди (Бақара 183-184). Бас, ким хоҳласа рўза тутар, ким хоҳласа ифтор қилиб, ҳар куни бир мискинни таомлантирса, бу унга кифоя қилар эди ‒ бу (иккинчи) ҳолат эди. Сўнг Аллоҳ таоло: {Рамазон ойики, унда Қуръон нозил қилинган} (оятини) {бошқа кунлардан (санаб рўза тутсин)} (деган сўзигача) нозил қилди (Бақара 185). Шу билан ойга (соғ-саломат) ҳозир бўлган кишига рўза, мусофирга эса қазо қилиш қарор топди ва рўза тута олмайдиган кекса чол ва кампирга таомлантириш қарор топди. (Шу кунда) Сирма келди, у куни (кун бўйи) ишлаган эди... (ровий) ҳадисни давом эттирди.