Anas ibn Molik (roziyallohu anhu)dan rivoyat qilinadiki, bir kishi nafasi siqilgan holda namozga keldi va: «Allohu akbar. Alhamdulillohi hamdan kasiran toyyiban muborakan fihi (Alloh buyukdir. Allohga koʻp, pok va barakotli hamd boʻlsin)» — dedi. Rasululloh ﷺ namozlarini tugatganlarida: «Bu kalimalarni qaysingiz aytdi? Albatta, u (bunda) hech yomon narsa aytmadi» — dedilar. Haligi kishi: «Men, ey Rasululloh! Men nafasim siqilgan holda keldim va ularni aytdim» — dedi. U zot: «Men oʻn ikki farishtani ularni (Allohga) qaysi biri yetkazishga musobaqa qilayotganini koʻrdim» — dedilar. Bunda Humayd shuni ziyoda qildi: «Biringiz (namozga) kelganida, odatdagidek yurib kelsin, yetib olganini oʻqisin va oʻtkazib yuborganini qazo qilsin».Анас ибн Молик (розияллоҳу анҳу)дан ривоят қилинадики, бир киши нафаси сиқилган ҳолда намозга келди ва: «Аллоҳу акбар. Алҳамдулиллоҳи ҳамдан касиран тоййибан муборакан фиҳи (Аллоҳ буюкдир. Аллоҳга кўп, пок ва баракотли ҳамд бўлсин)» — деди. Расулуллоҳ ﷺ намозларини тугатганларида: «Бу калималарни қайсингиз айтди? Албатта, у (бунда) ҳеч ёмон нарса айтмади» — дедилар. Ҳалиги киши: «Мен, эй Расулуллоҳ! Мен нафасим сиқилган ҳолда келдим ва уларни айтдим» — деди. У зот: «Мен ўн икки фариштани уларни (Аллоҳга) қайси бири етказишга мусобақа қилаётганини кўрдим» — дедилар. Бунда Ҳумайд шуни зиёда қилди: «Бирингиз (намозга) келганида, одатдагидек юриб келсин, етиб олганини ўқисин ва ўтказиб юборганини қазо қилсин».