Abbos ibn Abdulazim bizga rivoyat qildi: Yazid ibn Horun bizga rivoyat qildi: Shariyk bizga xabar berdi: Osim ibn Ubaydullohdan, u Abdulloh ibn Omir ibn Rabiʼadan, u otasi (roziyallohu anhu)dan rivoyat qildi. U aytdi: Ansorlardan bir yigit Rasululloh ﷺ ortlarida, u zot namozda turganlarida aksa urdi va: «Alhamdu lillahi hamdan kasiyron toyyiban muborakan fiyhi hatto yarzo robbuna va baʼda ma yarzo min amrid-dunya val-oxiroh (Allohga koʻp, pokiza va barakali hamd boʻlsin, Robbimiz dunyo va oxirat ishida rozi boʻlguncha va rozi boʻlganidan keyin ham)», dedi. Rasululloh ﷺ namozdan boʻshaganlarida: «Bu soʻzni aytgan kim?» dedilar. (Roviy aytdi:) Yigit jim turdi. Soʻng u zot: «Bu soʻzni aytgan kim? Chunki u yomon gap aytgani yoʻq», dedilar. Shunda u: «Ey Allohning Rasuli, men uni aytdim, u bilan faqat yaxshilikni koʻzladim», dedi. U zot: «U soʻzlar Rohman tabaroka va taoloning Arshigacha yetib bordi», dedilar.Аббос ибн Абдулазим бизга ривоят қилди: Язид ибн Ҳорун бизга ривоят қилди: Шарийк бизга хабар берди: Осим ибн Убайдуллоҳдан, у Абдуллоҳ ибн Омир ибн Рабиъадан, у отаси (розияллоҳу анҳу)дан ривоят қилди. У айтди: Ансорлардан бир йигит Расулуллоҳ ﷺ ортларида, у зот намозда турганларида акса урди ва: «Алҳамду лиллаҳи ҳамдан касийрон тоййибан муборакан фийҳи ҳатто ярзо роббуна ва баъда ма ярзо мин амрид-дуня вал-охироҳ (Аллоҳга кўп, покиза ва баракали ҳамд бўлсин, Роббимиз дунё ва охират ишида рози бўлгунча ва рози бўлганидан кейин ҳам)», деди. Расулуллоҳ ﷺ намоздан бўшаганларида: «Бу сўзни айтган ким?» дедилар. (Ровий айтди:) Йигит жим турди. Сўнг у зот: «Бу сўзни айтган ким? Чунки у ёмон гап айтгани йўқ», дедилар. Шунда у: «Эй Аллоҳнинг Расули, мен уни айтдим, у билан фақат яхшиликни кўзладим», деди. У зот: «У сўзлар Роҳман табарока ва таолонинг Аршигача етиб борди», дедилар.