حَدَّثَنَا أَحْمَدُ بْنُ حَنْبَلٍ، حَدَّثَنَا سُفْيَانُ، عَنْ عَمْرٍو، سَمِعَهُ مِنْ، جَابِرٍ قَالَ كَانَ مُعَاذٌ يُصَلِّي مَعَ النَّبِيِّ صلى الله عليه وسلم ثُمَّ يَرْجِعُ فَيَؤُمُّنَا - قَالَ مَرَّةً ثُمَّ يَرْجِعُ فَيُصَلِّي بِقَوْمِهِ - فَأَخَّرَ النَّبِيُّ صلى الله عليه وسلم لَيْلَةً الصَّلاَةَ - وَقَالَ مَرَّةً الْعِشَاءَ - فَصَلَّى مُعَاذٌ مَعَ النَّبِيِّ صلى الله عليه وسلم ثُمَّ جَاءَ يَؤُمُّ قَوْمَهُ فَقَرَأَ الْبَقَرَةَ فَاعْتَزَلَ رَجُلٌ مِنَ الْقَوْمِ فَصَلَّى فَقِيلَ نَافَقْتَ يَا فُلاَنُ . فَقَالَ مَا نَافَقْتُ . فَأَتَى رَسُولَ اللَّهِ صلى الله عليه وسلم فَقَالَ إِنَّ مُعَاذًا يُصَلِّي مَعَكَ ثُمَّ يَرْجِعُ فَيَؤُمُّنَا يَا رَسُولَ اللَّهِ وَإِنَّمَا نَحْنُ أَصْحَابُ نَوَاضِحَ وَنَعْمَلُ بِأَيْدِينَا وَإِنَّهُ جَاءَ يَؤُمُّنَا فَقَرَأَ بِسُورَةِ الْبَقَرَةِ . فَقَالَ " يَا مُعَاذُ أَفَتَّانٌ أَنْتَ أَفَتَّانٌ أَنْتَ اقْرَأْ بِكَذَا اقْرَأْ بِكَذَا " . قَالَ أَبُو الزُّبَيْرِ بِـ { سَبِّحِ اسْمَ رَبِّكَ الأَعْلَى } { وَاللَّيْلِ إِذَا يَغْشَى } فَذَكَرْنَا لِعَمْرٍو فَقَالَ أُرَاهُ قَدْ ذَكَرَهُ .
Jobir (roziyallohu anhu)dan rivoyat qilinadi: Muoz (ibn Jabal) Nabiy ﷺ bilan namoz oʻqir, soʻng qaytib kelib bizga imomlik qilar edi. (Roviy) bir marta: «Soʻng qaytib kelib oʻz qavmiga namoz oʻqib berar edi», dedi. Bir kechasi Nabiy ﷺ namozni — (roviy) bir marta «xufton namozini» dedi — kechiktirdilar. Muoz Nabiy ﷺ bilan namoz oʻqib, soʻng kelib qavmiga imomlik qildi va Baqara surasini oʻqidi. Shunda qavmdan bir kishi (jamoatdan) ajralib, (yolgʻiz) namoz oʻqidi. Unga: «Munofiq boʻlib qolding-mi, ey falonchi?» deyildi. U: «Munofiq boʻlganim yoʻq», dedi-da, Rasululloh ﷺ huzurlariga kelib: «Ey Allohning Rasuli, Muoz Siz bilan namoz oʻqiydi, soʻng qaytib kelib bizga imomlik qiladi. Biz esa suv tashuvchi tuyalar egasi boʻlib, qoʻlimiz bilan ishlaymiz. U kelib bizga imomlik qildi-da, Baqara surasini oʻqidi», dedi. Shunda u zot: «Ey Muoz, sen fitna soluvchimisan? Sen fitna soluvchimisan?! Mana bunday oʻqi, mana bunday oʻqi!» dedilar. Abu Zubayr (rov, surani) {Sabbihisma Robbikal-Aʼlo} va {Val-layli izo yagʻsho} deb aytdi. Buni Amrga zikr qilganimizda, u: «Menimcha, u (Jobir) buni zikr qilgan», dedi.Жобир (розияллоҳу анҳу)дан ривоят қилинади: Муоз (ибн Жабал) Набий ﷺ билан намоз ўқир, сўнг қайтиб келиб бизга имомлик қилар эди. (Ровий) бир марта: «Сўнг қайтиб келиб ўз қавмига намоз ўқиб берар эди», деди. Бир кечаси Набий ﷺ намозни — (ровий) бир марта «хуфтон намозини» деди — кечиктирдилар. Муоз Набий ﷺ билан намоз ўқиб, сўнг келиб қавмига имомлик қилди ва Бақара сурасини ўқиди. Шунда қавмдан бир киши (жамоатдан) ажралиб, (ёлғиз) намоз ўқиди. Унга: «Мунофиқ бўлиб қолдинг-ми, эй фалончи?» дейилди. У: «Мунофиқ бўлганим йўқ», деди-да, Расулуллоҳ ﷺ ҳузурларига келиб: «Эй Аллоҳнинг Расули, Муоз Сиз билан намоз ўқийди, сўнг қайтиб келиб бизга имомлик қилади. Биз эса сув ташувчи туялар эгаси бўлиб, қўлимиз билан ишлаймиз. У келиб бизга имомлик қилди-да, Бақара сурасини ўқиди», деди. Шунда у зот: «Эй Муоз, сен фитна солувчимисан? Сен фитна солувчимисан?! Мана бундай ўқи, мана бундай ўқи!» дедилар. Абу Зубайр (ров, сурани) {Саббиҳисма Роббикал-Аъло} ва {Вал-лайли изо яғшо} деб айтди. Буни Амрга зикр қилганимизда, у: «Менимча, у (Жобир) буни зикр қилган», деди.