حَدَّثَنَا سَهْلُ بْنُ بَكَّارٍ، حَدَّثَنَا وُهَيْبُ بْنُ خَالِدٍ، عَنْ عَمْرِو بْنِ يَحْيَى، عَنِ الْعَبَّاسِ السَّاعِدِيِّ، - يَعْنِي ابْنَ سَهْلِ بْنِ سَعْدٍ - عَنْ أَبِي حُمَيْدٍ السَّاعِدِيِّ، قَالَ غَزَوْتُ مَعَ رَسُولِ اللَّهِ صلى الله عليه وسلم تَبُوكَ فَلَمَّا أَتَى وَادِيَ الْقُرَى إِذَا امْرَأَةٌ فِي حَدِيقَةٍ لَهَا فَقَالَ رَسُولُ اللَّهِ صلى الله عليه وسلم لأَصْحَابِهِ " اخْرُصُوا " . فَخَرَصَ رَسُولُ اللَّهِ صلى الله عليه وسلم عَشَرَةَ أَوْسُقٍ فَقَالَ لِلْمَرْأَةِ " أَحْصِي مَا يَخْرُجُ مِنْهَا " . فَأَتَيْنَا تَبُوكَ فَأَهْدَى مَلِكُ أَيْلَةَ إِلَى رَسُولِ اللَّهِ صلى الله عليه وسلم بَغْلَةً بَيْضَاءَ وَكَسَاهُ بُرْدَةً وَكَتَبَ لَهُ - يَعْنِي - بِبَحْرِهِ . قَالَ فَلَمَّا أَتَيْنَا وَادِيَ الْقُرَى قَالَ لِلْمَرْأَةِ " كَمْ كَانَ فِي حَدِيقَتِكِ " . قَالَتْ عَشَرَةَ أَوْسُقٍ خَرْصَ رَسُولِ اللَّهِ صلى الله عليه وسلم . فَقَالَ رَسُولُ اللَّهِ صلى الله عليه وسلم " إِنِّي مُتَعَجِّلٌ إِلَى الْمَدِينَةِ فَمَنْ أَرَادَ مِنْكُمْ أَنْ يَتَعَجَّلَ مَعِي فَلْيَتَعَجَّلْ " .
Abu Humayd as-Soidiy (roziyallohu anhu) aytadi: Men Rasululloh ﷺ bilan birga Tabukka gʻazotga chiqdim. U zot Vodiyul-Quroga yetganlarida, bir ayol oʻz bogʻida (ekan), Rasululloh ﷺ sahobalariga: «Mevani chamalab koʻringlar», dedilar. Rasululloh ﷺ uni oʻn vasq deb chamaladilar va ayolga: «Undan chiqadigan (hosil)ni hisoblab boraver», dedilar. Soʻng biz Tabukka keldik. Shunda Ayla podshohi Rasululloh ﷺ ga oq xachir hadya qildi, u zotga (chiroyli) chopon kiygizdi va u zot uning dengiz boʻyidagi yeri (yaʼni hududi) toʻgʻrisida unga (omonlik) yozib berdilar. (Roviy) aytdi: Biz Vodiyul-Quroga (qaytib) kelganimizda, u zot ayolga: «Bogʻingda qancha (hosil) boʻldi?» dedilar. Ayol: «Oʻn vasq — Rasululloh ﷺ chamalagandek», dedi. Shunda Rasululloh ﷺ: «Men Madinaga shoshilib ketmoqdaman; sizlardan kim men bilan shoshilib (ketmoqchi) boʻlsa, shoshilsin», dedilar.Абу Ҳумайд ас-Соидий (розияллоҳу анҳу) айтади: Мен Расулуллоҳ ﷺ билан бирга Табукка ғазотга чиқдим. У зот Водиюл-Қурога етганларида, бир аёл ўз боғида (экан), Расулуллоҳ ﷺ саҳобаларига: «Мевани чамалаб кўринглар», дедилар. Расулуллоҳ ﷺ уни ўн васқ деб чамаладилар ва аёлга: «Ундан чиқадиган (ҳосил)ни ҳисоблаб боравер», дедилар. Сўнг биз Табукка келдик. Шунда Айла подшоҳи Расулуллоҳ ﷺ га оқ хачир ҳадя қилди, у зотга (чиройли) чопон кийгизди ва у зот унинг денгиз бўйидаги ери (яъни ҳудуди) тўғрисида унга (омонлик) ёзиб бердилар. (Ровий) айтди: Биз Водиюл-Қурога (қайтиб) келганимизда, у зот аёлга: «Боғингда қанча (ҳосил) бўлди?» дедилар. Аёл: «Ўн васқ — Расулуллоҳ ﷺ чамалагандек», деди. Шунда Расулуллоҳ ﷺ: «Мен Мадинага шошилиб кетмоқдаман; сизлардан ким мен билан шошилиб (кетмоқчи) бўлса, шошилсин», дедилар.