Usoma ibn Zayd (roziyallohu anhumo)dan rivoyat qilinadiki, Rasululloh ﷺning bir qizlari u zotga — men u zot bilan birga edim, Saʼd ham, oʻylaymanki, Ubay ham bor edi — «Oʻgʻlim yoki qizim oʻlim toʻshagida, bizning oldimizga keling», deb odam yubordi. U zot salom yetkazib: «Unga ayt: Alloh olgan narsa ham, bergan narsa ham Allohnikidir va har bir narsaning Uning huzurida belgilangan ajali bordir», deb (javob) yubordilar. Bas, u (qizlari) qasam ichib (kelishlarini soʻrab) yana odam yubordi. Shunda u zot uning oldiga bordilar. Bola Rasululloh ﷺning quchoqlariga qoʻyildi, joni esa hirqillab turardi. Bas, Rasululloh ﷺning koʻzlaridan yosh oqdi. Saʼd u zotga: «Bu nima?» dedi. U zot: «Bu — rahmatdir, Alloh uni Oʻzi xohlagan bandalarining qalbiga solib qoʻygan. Alloh bandalaridan faqat rahmdillarga rahm qiladi», dedilar.Усома ибн Зайд (розияллоҳу анҳумо)дан ривоят қилинадики, Расулуллоҳ ﷺнинг бир қизлари у зотга — мен у зот билан бирга эдим, Саъд ҳам, ўйлайманки, Убай ҳам бор эди — «Ўғлим ёки қизим ўлим тўшагида, бизнинг олдимизга келинг», деб одам юборди. У зот салом етказиб: «Унга айт: Аллоҳ олган нарса ҳам, берган нарса ҳам Аллоҳникидир ва ҳар бир нарсанинг Унинг ҳузурида белгиланган ажали бордир», деб (жавоб) юбордилар. Бас, у (қизлари) қасам ичиб (келишларини сўраб) яна одам юборди. Шунда у зот унинг олдига бордилар. Бола Расулуллоҳ ﷺнинг қучоқларига қўйилди, жони эса ҳирқиллаб турарди. Бас, Расулуллоҳ ﷺнинг кўзларидан ёш оқди. Саъд у зотга: «Бу нима?» деди. У зот: «Бу — раҳматдир, Аллоҳ уни Ўзи хоҳлаган бандаларининг қалбига солиб қўйган. Аллоҳ бандаларидан фақат раҳмдилларга раҳм қилади», дедилар.