حَدَّثَنَا ابْنُ نُفَيْلٍ، حَدَّثَنَا زُهَيْرٌ، حَدَّثَنَا سِمَاكٌ، حَدَّثَنِي جَابِرُ بْنُ سَمُرَةَ، قَالَ مَرِضَ رَجُلٌ فَصِيحَ عَلَيْهِ فَجَاءَ جَارُهُ إِلَى رَسُولِ اللَّهِ صلى الله عليه وسلم فَقَالَ لَهُ إِنَّهُ قَدْ مَاتَ . قَالَ " وَمَا يُدْرِيكَ " . قَالَ أَنَا رَأَيْتُهُ . قَالَ رَسُولُ اللَّهِ صلى الله عليه وسلم " إِنَّهُ لَمْ يَمُتْ " . قَالَ فَرَجَعَ فَصِيحَ عَلَيْهِ فَجَاءَ إِلَى رَسُولِ اللَّهِ صلى الله عليه وسلم فَقَالَ إِنَّهُ قَدْ مَاتَ . فَقَالَ النَّبِيُّ صلى الله عليه وسلم " إِنَّهُ لَمْ يَمُتْ " . فَرَجَعَ فَصِيحَ عَلَيْهِ فَقَالَتِ امْرَأَتُهُ انْطَلِقْ إِلَى رَسُولِ اللَّهِ صلى الله عليه وسلم فَأَخْبِرْهُ . فَقَالَ الرَّجُلُ اللَّهُمَّ الْعَنْهُ . قَالَ ثُمَّ انْطَلَقَ الرَّجُلُ فَرَآهُ قَدْ نَحَرَ نَفْسَهُ بِمِشْقَصٍ مَعَهُ فَانْطَلَقَ إِلَى النَّبِيِّ صلى الله عليه وسلم فَأَخْبَرَهُ أَنَّهُ قَدْ مَاتَ فَقَالَ " مَا يُدْرِيكَ " . قَالَ رَأَيْتُهُ يَنْحَرُ نَفْسَهُ بِمَشَاقِصَ مَعَهُ . قَالَ " أَنْتَ رَأَيْتَهُ " . قَالَ نَعَمْ . قَالَ " إِذًا لاَ أُصَلِّي عَلَيْهِ " .
Jobir ibn Samura (roziyallohu anhu)dan rivoyat qilinadi: Bir kishi kasal boʻldi va u (oʻldi deb) faryod qilindi. Shunda uning qoʻshnisi Rasululloh ﷺ ning oldilariga kelib: «U oʻlibdi», dedi. U zot: «Buni qaydan bilding?» dedilar. U: «Men uni (oʻzim) koʻrdim», dedi. Rasululloh ﷺ: «U oʻlmabdi», dedilar. (Rovi) aytadi: U (qoʻshni) qaytib bordi va yana (oʻldi deb) faryod qilindi. U Rasululloh ﷺ ning oldilariga kelib: «U oʻlibdi», dedi. Nabiy ﷺ: «U oʻlmabdi», dedilar. U yana qaytib bordi va yana (oʻldi deb) faryod qilindi. Shunda uning (kasalning) xotini: «Rasululloh ﷺ ning oldilariga borib, u zotga xabar bering», dedi. Bas, u (kasal) kishi: «Ey Alloh, uni laʼnatla», dedi. (Rovi) aytadi: Soʻngra u kishi (qoʻshni) joʻnab ketdi-da, uni (kasalni) yonidagi keng paykonli oʻq bilan oʻzini soʻyib qoʻyganini koʻrdi. Shunda u Nabiy ﷺ ning oldilariga joʻnab borib, u zotga uning oʻlganini xabar berdi. U zot: «Buni qaydan bilding?» dedilar. U: «Men uni yonidagi keng paykonli oʻqlar bilan oʻzini soʻyayotganini koʻrdim», dedi. U zot: «Sen uni (oʻzing) koʻrdingmi?» dedilar. U: «Ha», dedi. U zot: «Unday boʻlsa, men unga (janoza) namozi oʻqimayman», dedilar.Жобир ибн Самура (розияллоҳу анҳу)дан ривоят қилинади: Бир киши касал бўлди ва у (ўлди деб) фарёд қилинди. Шунда унинг қўшниси Расулуллоҳ ﷺ нинг олдиларига келиб: «У ўлибди», деди. У зот: «Буни қайдан билдинг?» дедилар. У: «Мен уни (ўзим) кўрдим», деди. Расулуллоҳ ﷺ: «У ўлмабди», дедилар. (Рови) айтади: У (қўшни) қайтиб борди ва яна (ўлди деб) фарёд қилинди. У Расулуллоҳ ﷺ нинг олдиларига келиб: «У ўлибди», деди. Набий ﷺ: «У ўлмабди», дедилар. У яна қайтиб борди ва яна (ўлди деб) фарёд қилинди. Шунда унинг (касалнинг) хотини: «Расулуллоҳ ﷺ нинг олдиларига бориб, у зотга хабар беринг», деди. Бас, у (касал) киши: «Эй Аллоҳ, уни лаънатла», деди. (Рови) айтади: Сўнгра у киши (қўшни) жўнаб кетди-да, уни (касални) ёнидаги кенг пайконли ўқ билан ўзини сўйиб қўйганини кўрди. Шунда у Набий ﷺ нинг олдиларига жўнаб бориб, у зотга унинг ўлганини хабар берди. У зот: «Буни қайдан билдинг?» дедилар. У: «Мен уни ёнидаги кенг пайконли ўқлар билан ўзини сўяётганини кўрдим», деди. У зот: «Сен уни (ўзинг) кўрдингми?» дедилар. У: «Ҳа», деди. У зот: «Ундай бўлса, мен унга (жаноза) намози ўқимайман», дедилар.