Ashʼas ibn Qays (roziyallohu anhu)dan rivoyat qilinadiki, Kinda qabilasidan boʻlgan bir kishi bilan Hazramavtdan boʻlgan bir kishi Yamandagi bir yer haqida Nabiy ﷺ huzurlarida daʼvolashdilar. Hazramavtlik: «Yo Rasululloh, mening yerimni bu kishining otasi gʻasb qilib olgan, u (yer) hozir uning qoʻlida», dedi. U zot: «Daliling bormi?» dedilar. U: «Yoʻq, lekin men unga qasam ichirtiraman: vallohi, u bu yer mening yerim ekanini va otasi uni mendan gʻasb qilib olganini bilmaydimi (ekan)», dedi. Kindalik kishi qasam ichishga shaylandi. Shunda Rasululloh ﷺ: «Kimki birovning molini qasam bilan olib qoʻysa, Allohga (qiyomatda) qoʻli kesilgan holida roʻbaroʻ boʻladi», dedilar. Shunda kindalik kishi: «U (yer) uning yeridir», dedi.Ашъас ибн Қайс (розияллоҳу анҳу)дан ривоят қилинадики, Кинда қабиласидан бўлган бир киши билан Ҳазрамавтдан бўлган бир киши Ямандаги бир ер ҳақида Набий ﷺ ҳузурларида даъволашдилар. Ҳазрамавтлик: «Ё Расулуллоҳ, менинг еримни бу кишининг отаси ғасб қилиб олган, у (ер) ҳозир унинг қўлида», деди. У зот: «Далилинг борми?» дедилар. У: «Йўқ, лекин мен унга қасам ичиртираман: валлоҳи, у бу ер менинг ерим эканини ва отаси уни мендан ғасб қилиб олганини билмайдими (экан)», деди. Киндалик киши қасам ичишга шайланди. Шунда Расулуллоҳ ﷺ: «Кимки бировнинг молини қасам билан олиб қўйса, Аллоҳга (қиёматда) қўли кесилган ҳолида рўбарў бўлади», дедилар. Шунда киндалик киши: «У (ер) унинг еридир», деди.