Alqama ibn Voil ibn Hujr al-Hazramiy otasidan rivoyat qiladi. U (Voil ibn Hujr (roziyallohu anhu)) aytdi: Hazramavtdan boʻlgan bir kishi bilan Kindadan boʻlgan bir kishi Rasululloh ﷺ huzurlariga keldilar. Hazramavtlik: «Yo Rasululloh, bu (kishi) otamga tegishli boʻlgan bir yerni mendan tortib oldi», dedi. Kindalik: «U mening yerim, qoʻlimda, men uni ekib-yetishtiraman, uning unda hech qanday haqi yoʻq», dedi. Shunda Nabiy ﷺ hazramavtlikka: «Daliling bormi?» dedilar. U: «Yoʻq», dedi. U zot: «Unday boʻlsa, senga uning qasami (qoladi)», dedilar. U: «Yo Rasululloh, u fojir kishi, qaysi narsaga qasam ichishidan parvo qilmaydi, hech narsadan tap tortmaydi», dedi. Nabiy ﷺ: «Sen uchun undan faqat shu (qasamgina bor)», dedilar. Shunda u (kindalik kishi) qasam ichish uchun yoʻnaldi. U ortiga oʻgirilib ketayotganda Rasululloh ﷺ: «Agar u molni zolimlik bilan yeb olish uchun qasam ichsa, albatta Allohga azza va jallaga U undan yuz oʻgirgan holida roʻbaroʻ boʻladi», dedilar.Алқама ибн Воил ибн Ҳужр ал-Ҳазрамий отасидан ривоят қилади. У (Воил ибн Ҳужр (розияллоҳу анҳу)) айтди: Ҳазрамавтдан бўлган бир киши билан Киндадан бўлган бир киши Расулуллоҳ ﷺ ҳузурларига келдилар. Ҳазрамавтлик: «Ё Расулуллоҳ, бу (киши) отамга тегишли бўлган бир ерни мендан тортиб олди», деди. Киндалик: «У менинг ерим, қўлимда, мен уни экиб-етиштираман, унинг унда ҳеч қандай ҳақи йўқ», деди. Шунда Набий ﷺ ҳазрамавтликка: «Далилинг борми?» дедилар. У: «Йўқ», деди. У зот: «Ундай бўлса, сенга унинг қасами (қолади)», дедилар. У: «Ё Расулуллоҳ, у фожир киши, қайси нарсага қасам ичишидан парво қилмайди, ҳеч нарсадан тап тортмайди», деди. Набий ﷺ: «Сен учун ундан фақат шу (қасамгина бор)», дедилар. Шунда у (киндалик киши) қасам ичиш учун йўналди. У ортига ўгирилиб кетаётганда Расулуллоҳ ﷺ: «Агар у молни золимлик билан еб олиш учун қасам ичса, албатта Аллоҳга азза ва жаллага У ундан юз ўгирган ҳолида рўбарў бўлади», дедилар.