Hannod ibn as-Sariy bizga aytib berdi: Abu Ahvas bizga Simokdan, u Alqama ibn Voil ibn Hujr al-Hazramiydan, u otasidan rivoyat qildi. U (Voil) dedi: Hazramavtlik bir kishi bilan kindalik bir kishi Rasululloh ﷺ huzuriga keldilar. Hazramavtlik: «Yo Rasululloh, mana bu (kishi) otamga tegishli boʻlgan bir yerni mendan zoʻrlik bilan tortib oldi», dedi. Kindalik esa: «U mening yerim, qoʻlimda boʻlib, men uni ekayapman, unda buning hech qanday haqqi yoʻq», dedi. Shunda Nabiy ﷺ hazramavtlikka: «Daliling bormi?» dedilar. U: «Yoʻq», dedi. U zot: «U holda senga uning qasami (qoladi)», dedilar. U: «Yo Rasululloh, u fojir (buzuq) kishi, nima haqida qasam ichishidan parvo qilmaydi, hech narsadan tap tortmaydi», dedi. Shunda u zot: «Sen uchun undan shundan boshqa narsa yoʻq», dedilar.Ҳаннод ибн ас-Сарий бизга айтиб берди: Абу Аҳвас бизга Симокдан, у Алқама ибн Воил ибн Ҳужр ал-Ҳазрамийдан, у отасидан ривоят қилди. У (Воил) деди: Ҳазрамавтлик бир киши билан киндалик бир киши Расулуллоҳ ﷺ ҳузурига келдилар. Ҳазрамавтлик: «Ё Расулуллоҳ, мана бу (киши) отамга тегишли бўлган бир ерни мендан зўрлик билан тортиб олди», деди. Киндалик эса: «У менинг ерим, қўлимда бўлиб, мен уни экаяпман, унда бунинг ҳеч қандай ҳаққи йўқ», деди. Шунда Набий ﷺ ҳазрамавтликка: «Далилинг борми?» дедилар. У: «Йўқ», деди. У зот: «У ҳолда сенга унинг қасами (қолади)», дедилар. У: «Ё Расулуллоҳ, у фожир (бузуқ) киши, нима ҳақида қасам ичишидан парво қилмайди, ҳеч нарсадан тап тортмайди», деди. Шунда у зот: «Сен учун ундан шундан бошқа нарса йўқ», дедилар.