Ahmad ibn Solih bizga hadis aytdi, Ibn Vahb bizga hadis aytdi, Yunus menga xabar berdi, u Ibn Shihobdan rivoyat qildi, Abdulloh ibn Kaʼb ibn Molik menga xabar berdiki, Kaʼb ibn Molik (roziyallohu anhu) unga shuni aytdi: U Rasululloh ﷺning zamonlarida masjidda Ibn Abu Hadraddan oʻzining unda boʻlgan qarzini talab qildi. Shunda ikkovining ovozi koʻtarilib ketdi, hatto uylarida boʻlgan Rasululloh ﷺ ularni eshitib qoldilar. Rasululloh ﷺ ularning oldiga chiqib, hujralarining pardasini ochdilar va Kaʼb ibn Molikni chaqirib: «Ey Kaʼb!» dedilar. U: «Labbay, ey Rasululloh!» dedi. Shunda Paygʻambar ﷺ qoʻllari bilan unga: «Qarzingning yarmini kechir», deb ishora qildilar. Kaʼb: «Kechirdim, ey Rasululloh!» dedi. Paygʻambar ﷺ (qarzdorga): «Turgin va uni (qolganini) toʻla», dedilar.Аҳмад ибн Солиҳ бизга ҳадис айтди, Ибн Ваҳб бизга ҳадис айтди, Юнус менга хабар берди, у Ибн Шиҳобдан ривоят қилди, Абдуллоҳ ибн Каъб ибн Молик менга хабар бердики, Каъб ибн Молик (розияллоҳу анҳу) унга шуни айтди: У Расулуллоҳ ﷺнинг замонларида масжидда Ибн Абу Ҳадраддан ўзининг унда бўлган қарзини талаб қилди. Шунда икковининг овози кўтарилиб кетди, ҳатто уйларида бўлган Расулуллоҳ ﷺ уларни эшитиб қолдилар. Расулуллоҳ ﷺ уларнинг олдига чиқиб, ҳужраларининг пардасини очдилар ва Каъб ибн Моликни чақириб: «Эй Каъб!» дедилар. У: «Лаббай, эй Расулуллоҳ!» деди. Шунда Пайғамбар ﷺ қўллари билан унга: «Қарзингнинг ярмини кечир», деб ишора қилдилар. Каъб: «Кечирдим, эй Расулуллоҳ!» деди. Пайғамбар ﷺ (қарздорга): «Тургин ва уни (қолганини) тўла», дедилар.