Banu Sulaymdan boʻlgan Abdulloh ibn Busr (roziyallohu anhu)dan rivoyat qilinadi: Rasululloh ﷺ otamning oldiga keldilar va uning mehmoni boʻldilar. (Otam) u zotga taom taqdim qildi va xays keltirdi. Soʻng u zotga ichimlik keltirdi, u zot ichdilar va oʻng tomonlaridagi kishiga uzatdilar. U zot xurmo yedilar va danaklarini koʻrsatkich hamda oʻrta barmoqlarining usti orasiga qoʻya boshladilar. U zot turganlarida, otam ham turib, u zotning ulovining jilovidan ushladi va: «Men uchun Allohga duo qiling», dedi. Shunda u zot: «Ey Alloh, ularga rizq qilib bergan narsangda barakat ber, ularni magʻfirat qil va ularga rahm qil», dedilar.Бану Сулаймдан бўлган Абдуллоҳ ибн Буср (розияллоҳу анҳу)дан ривоят қилинади: Расулуллоҳ ﷺ отамнинг олдига келдилар ва унинг меҳмони бўлдилар. (Отам) у зотга таом тақдим қилди ва хайс келтирди. Сўнг у зотга ичимлик келтирди, у зот ичдилар ва ўнг томонларидаги кишига узатдилар. У зот хурмо едилар ва данакларини кўрсаткич ҳамда ўрта бармоқларининг усти орасига қўя бошладилар. У зот турганларида, отам ҳам туриб, у зотнинг уловининг жиловидан ушлади ва: «Мен учун Аллоҳга дуо қилинг», деди. Шунда у зот: «Эй Аллоҳ, уларга ризқ қилиб берган нарсангда баракат бер, уларни мағфират қил ва уларга раҳм қил», дедилар.