حَدَّثَنَا عَبْدُ اللَّهِ بْنُ مُحَمَّدٍ النُّفَيْلِيُّ، حَدَّثَنَا زُهَيْرٌ، حَدَّثَنَا أَبُو الزُّبَيْرِ، عَنْ جَابِرٍ، قَالَ بَعَثَنَا رَسُولُ اللَّهِ صلى الله عليه وسلم وَأَمَّرَ عَلَيْنَا أَبَا عُبَيْدَةَ بْنَ الْجَرَّاحِ نَتَلَقَّى عِيرًا لِقُرَيْشٍ وَزَوَّدَنَا جِرَابًا مِنْ تَمْرٍ لَمْ نَجِدْ لَهُ غَيْرَهُ فَكَانَ أَبُو عُبَيْدَةَ يُعْطِينَا تَمْرَةً تَمْرَةً كُنَّا نَمُصُّهَا كَمَا يَمُصُّ الصَّبِيُّ ثُمَّ نَشْرَبُ عَلَيْهَا مِنَ الْمَاءِ فَتَكْفِينَا يَوْمَنَا إِلَى اللَّيْلِ وَكُنَّا نَضْرِبُ بِعِصِيِّنَا الْخَبَطَ ثُمَّ نَبُلُّهُ بِالْمَاءِ فَنَأْكُلُهُ وَانْطَلَقْنَا عَلَى سَاحِلِ الْبَحْرِ فَرُفِعَ لَنَا كَهَيْئَةِ الْكَثِيبِ الضَّخْمِ فَأَتَيْنَاهُ فَإِذَا هُوَ دَابَّةٌ تُدْعَى الْعَنْبَرَ فَقَالَ أَبُو عُبَيْدَةَ مَيْتَةٌ وَلاَ تَحِلُّ لَنَا ثُمَّ قَالَ لاَ بَلْ نَحْنُ رُسُلُ رَسُولِ اللَّهِ صلى الله عليه وسلم وَفِي سَبِيلِ اللَّهِ وَقَدِ اضْطُرِرْتُمْ إِلَيْهِ فَكُلُوا فَأَقَمْنَا عَلَيْهِ شَهْرًا وَنَحْنُ ثَلاَثُمِائَةٍ حَتَّى سَمِنَّا فَلَمَّا قَدِمْنَا إِلَى رَسُولِ اللَّهِ صلى الله عليه وسلم ذَكَرْنَا ذَلِكَ لَهُ فَقَالَ " هُوَ رِزْقٌ أَخْرَجَهُ اللَّهُ لَكُمْ فَهَلْ مَعَكُمْ مِنْ لَحْمِهِ شَىْءٌ فَتُطْعِمُونَا مِنْهُ " . فَأَرْسَلْنَا مِنْهُ إِلَى رَسُولِ اللَّهِ صلى الله عليه وسلم فَأَكَلَ .
Jobir (roziyallohu anhumo)dan rivoyat qilinadi. U shunday dedi: «Rasululloh ﷺ bizni (gʻazotga) yubordilar va boshimizga Abu Ubayda ibn al-Jarrohni amir qildilar. Biz Qurayshning karvonini kutib olishimiz kerak edi. U zot bizga ozuqa qilib bir xalta xurmo berdilar, undan boshqa narsa topmadik. Abu Ubayda bizga bittadan xurmo berar edi. Biz uni xuddi bola soʻrgandek soʻrar, soʻng ustidan suv ichar edik, shu bizga kechgacha kun davomida kifoya qilar edi. Biz hassalarimiz bilan (daraxtlardan) yaproqlarni qoqib tushirar, soʻng uni suv bilan hoʻllab yer edik. Soʻng dengiz sohili boʻylab yurdik. Bizga katta qum tepasiga oʻxshagan narsa koʻrindi. Biz uning oldiga keldik. Qarasak, u anbar deb ataladigan jonivor ekan. Abu Ubayda: ‹Bu oʻlimtik, bizga halol emas›, dedi. Soʻng: ‹Yoʻq, balki biz Rasullullohﷺning elchilarimiz va Alloh yoʻlidamiz, sizlar bunga muhtoj ham boʻldingiz, shuning uchun yenglar›, dedi. Biz uch yuz kishi edik, uning yonida bir oy turdik, hatto semirib ham ketdik. Rasululloh ﷺning huzurlariga qaytib kelganimizda, buni u zotga aytdik. Shunda u zot: ‹U Alloh sizlar uchun chiqargan rizq edi. Yoningizda uning goʻshtidan biror narsa bormi, bizga ham undan yedirsangiz?› dedilar. Biz undan Rasululloh ﷺga yubordik, u zot yedilar».Жобир (розияллоҳу анҳумо)дан ривоят қилинади. У шундай деди: «Расулуллоҳ ﷺ бизни (ғазотга) юбордилар ва бошимизга Абу Убайда ибн ал-Жарроҳни амир қилдилар. Биз Қурайшнинг карвонини кутиб олишимиз керак эди. У зот бизга озуқа қилиб бир халта хурмо бердилар, ундан бошқа нарса топмадик. Абу Убайда бизга биттадан хурмо берар эди. Биз уни худди бола сўргандек сўрар, сўнг устидан сув ичар эдик, шу бизга кечгача кун давомида кифоя қилар эди. Биз ҳассаларимиз билан (дарахтлардан) япроқларни қоқиб туширар, сўнг уни сув билан ҳўллаб ер эдик. Сўнг денгиз соҳили бўйлаб юрдик. Бизга катта қум тепасига ўхшаган нарса кўринди. Биз унинг олдига келдик. Қарасак, у анбар деб аталадиган жонивор экан. Абу Убайда: ‹Бу ўлимтик, бизга ҳалол эмас›, деди. Сўнг: ‹Йўқ, балки биз Расуллуллоҳﷺнинг элчиларимиз ва Аллоҳ йўлидамиз, сизлар бунга муҳтож ҳам бўлдингиз, шунинг учун енглар›, деди. Биз уч юз киши эдик, унинг ёнида бир ой турдик, ҳатто семириб ҳам кетдик. Расулуллоҳ ﷺнинг ҳузурларига қайтиб келганимизда, буни у зотга айтдик. Шунда у зот: ‹У Аллоҳ сизлар учун чиқарган ризқ эди. Ёнингизда унинг гўштидан бирор нарса борми, бизга ҳам ундан едирсангиз?› дедилар. Биз ундан Расулуллоҳ ﷺга юбордик, у зот едилар».