حَدَّثَنَا مُحَمَّدُ بْنُ الْمُتَوَكِّلِ الْعَسْقَلاَنِيُّ، وَالْحَسَنُ بْنُ عَلِيٍّ، قَالاَ حَدَّثَنَا عَبْدُ الرَّزَّاقِ، أَخْبَرَنَا مَعْمَرٌ، عَنِ الزُّهْرِيِّ، عَنْ أَبِي سَلَمَةَ، عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم " لاَ عَدْوَى وَلاَ طِيَرَةَ وَلاَ صَفَرَ وَلاَ هَامَةَ " . فَقَالَ أَعْرَابِيٌّ مَا بَالُ الإِبِلِ تَكُونُ فِي الرَّمْلِ كَأَنَّهَا الظِّبَاءُ فَيُخَالِطُهَا الْبَعِيرُ الأَجْرَبُ فَيُجْرِبُهَا قَالَ " فَمَنْ أَعْدَى الأَوَّلَ " . قَالَ مَعْمَرٌ قَالَ الزُّهْرِيُّ فَحَدَّثَنِي رَجُلٌ عَنْ أَبِي هُرَيْرَةَ أَنَّهُ سَمِعَ رَسُولَ اللَّهِ صلى الله عليه وسلم يَقُولُ " لاَ يُورِدَنَّ مُمْرِضٌ عَلَى مُصِحٍّ " . قَالَ فَرَاجَعَهُ الرَّجُلُ فَقَالَ أَلَيْسَ قَدْ حَدَّثْتَنَا أَنَّ النَّبِيَّ صلى الله عليه وسلم قَالَ " لاَ عَدْوَى وَلاَ صَفَرَ وَلاَ هَامَةَ " . قَالَ لَمْ أُحَدِّثْكُمُوهُ . قَالَ الزُّهْرِيُّ قَالَ أَبُو سَلَمَةَ قَدْ حَدَّثَ بِهِ وَمَا سَمِعْتُ أَبَا هُرَيْرَةَ نَسِيَ حَدِيثًا قَطُّ غَيْرَهُ .
Abu Hurayra (roziyallohu anhu)dan rivoyat qilinadi: Rasululloh ﷺ: «(Oʻz-oʻzidan) yuqish yoʻq, yomon fol olish yoʻq, safar (oyidan shumlanish) yoʻq va homa (oʻlik ruhi qushga aylanishi) yoʻq», dedilar. Shunda bir aʼrobiy: «Qumda xuddi kiyiklardek (sogʻlom) turgan tuyalar bor edi, ularning orasiga qoʻtir tuya kirib, ularni qoʻtir qilib qoʻyadi-ku, bunga nima deysiz?» dedi. U zot: «Bas, birinchisini kim yuqtirdi?» dedilar. Maʼmar aytdiki, Zuhriy dedi: «Bir kishi menga Abu Hurayradan rivoyat qilib aytdiki, u Rasululloh ﷺning: ‹Kasal (tuya) sogʻlom (tuya)ning ustiga (suvga) olib kelinmasin›, deganlarini eshitgan». (Roviy) aytdiki: «Soʻng haligi kishi unga (Abu Hurayraga) qaytib: ‹Siz bizga Nabiy ﷺ: ‹Yuqish yoʻq, safar yoʻq va homa yoʻq›, deganlarini rivoyat qilmaganmidingiz?› dedi. U: ‹Men buni sizlarga aytmaganman›, dedi». Zuhriy aytdiki, Abu Salama dedi: «(Abu Hurayra) buni aytgan edi. Men Abu Hurayraning bundan boshqa biror hadisni unutganini hech eshitmaganman».Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «(Ўз-ўзидан) юқиш йўқ, ёмон фол олиш йўқ, сафар (ойидан шумланиш) йўқ ва ҳома (ўлик руҳи қушга айланиши) йўқ», дедилар. Шунда бир аъробий: «Қумда худди кийиклардек (соғлом) турган туялар бор эди, уларнинг орасига қўтир туя кириб, уларни қўтир қилиб қўяди-ку, бунга нима дейсиз?» деди. У зот: «Бас, биринчисини ким юқтирди?» дедилар. Маъмар айтдики, Зуҳрий деди: «Бир киши менга Абу Ҳурайрадан ривоят қилиб айтдики, у Расулуллоҳ ﷺнинг: ‹Касал (туя) соғлом (туя)нинг устига (сувга) олиб келинмасин›, деганларини эшитган». (Ровий) айтдики: «Сўнг ҳалиги киши унга (Абу Ҳурайрага) қайтиб: ‹Сиз бизга Набий ﷺ: ‹Юқиш йўқ, сафар йўқ ва ҳома йўқ›, деганларини ривоят қилмаганмидингиз?› деди. У: ‹Мен буни сизларга айтмаганман›, деди». Зуҳрий айтдики, Абу Салама деди: «(Абу Ҳурайра) буни айтган эди. Мен Абу Ҳурайранинг бундан бошқа бирор ҳадисни унутганини ҳеч эшитмаганман».