Hurays ibn al-Abahh as-Salihiy (rahimahulloh)dan rivoyat qilinadiki, Banu Asad qabilasidan boʻlgan bir ayol dedi: Bir kuni men Rasululloh ﷺning ayollari Zaynab (roziyallohu anho)ning huzurida edim, biz uning kiyimlarini qizil tuproq (margʻa) bilan boʻyayotgan edik. Biz shu holatda turgan paytimizda kutilmaganda oldimizga Rasululloh ﷺ kelib qoldilar. U zot qizil tuproqni koʻrgach, ortga qaytdilar. Zaynab buni koʻrgach, Rasululloh ﷺ uning qilgan ishini yoqtirmaganlarini bildi. Shunda u kiyimlarini olib yuvdi va barcha qizillikni yoʻqotdi. Soʻng Rasululloh ﷺ qaytib kelib moʻraladilar va hech narsa koʻrmaganlaridan keyin ichkari kirdilar.Ҳурайс ибн ал-Абаҳҳ ас-Салиҳий (раҳимаҳуллоҳ)дан ривоят қилинадики, Бану Асад қабиласидан бўлган бир аёл деди: Бир куни мен Расулуллоҳ ﷺнинг аёллари Зайнаб (розияллоҳу анҳо)нинг ҳузурида эдим, биз унинг кийимларини қизил тупроқ (марға) билан бўяётган эдик. Биз шу ҳолатда турган пайтимизда кутилмаганда олдимизга Расулуллоҳ ﷺ келиб қолдилар. У зот қизил тупроқни кўргач, ортга қайтдилар. Зайнаб буни кўргач, Расулуллоҳ ﷺ унинг қилган ишини ёқтирмаганларини билди. Шунда у кийимларини олиб ювди ва барча қизилликни йўқотди. Сўнг Расулуллоҳ ﷺ қайтиб келиб мўраладилар ва ҳеч нарса кўрмаганларидан кейин ичкари кирдилар.