حَدَّثَنَا مُسَدَّدٌ، حَدَّثَنَا عَبْدُ الْوَارِثِ بْنُ سَعِيدٍ، عَنْ مُحَمَّدِ بْنِ جُحَادَةَ، عَنْ حُمَيْدٍ الشَّامِيِّ، عَنْ سُلَيْمَانَ الْمَنْبِهِيِّ، عَنْ ثَوْبَانَ، مَوْلَى رَسُولِ اللَّهِ صلى الله عليه وسلم قَالَ كَانَ رَسُولُ اللَّهِ صلى الله عليه وسلم إِذَا سَافَرَ كَانَ آخِرُ عَهْدِهِ بِإِنْسَانٍ مِنْ أَهْلِهِ فَاطِمَةَ وَأَوَّلُ مَنْ يَدْخُلُ عَلَيْهَا إِذَا قَدِمَ فَاطِمَةَ فَقَدِمَ مِنْ غَزَاةٍ لَهُ وَقَدْ عَلَّقَتْ مِسْحًا أَوْ سِتْرًا عَلَى بَابِهَا وَحَلَّتِ الْحَسَنَ وَالْحُسَيْنَ قُلْبَيْنِ مِنْ فِضَّةٍ فَقَدِمَ فَلَمْ يَدْخُلْ فَظَنَّتْ أَنَّ مَا مَنَعَهُ أَنْ يَدْخُلَ مَا رَأَى فَهَتَكَتِ السِّتْرَ وَفَكَّكَتِ الْقُلْبَيْنِ عَنِ الصَّبِيَّيْنِ وَقَطَعَتْهُ بَيْنَهُمَا فَانْطَلَقَا إِلَى رَسُولِ اللَّهِ صلى الله عليه وسلم وَهُمَا يَبْكِيَانِ فَأَخَذَهُ مِنْهُمَا وَقَالَ " يَا ثَوْبَانُ اذْهَبْ بِهَذَا إِلَى آلِ فُلاَنٍ " . أَهْلِ بَيْتٍ بِالْمَدِينَةِ " إِنَّ هَؤُلاَءِ أَهْلُ بَيْتِي أَكْرَهُ أَنْ يَأْكُلُوا طَيِّبَاتِهِمْ فِي حَيَاتِهِمُ الدُّنْيَا يَا ثَوْبَانُ اشْتَرِ لِفَاطِمَةَ قِلاَدَةً مِنْ عَصَبٍ وَسِوَارَيْنِ مِنْ عَاجٍ " .
Rasululloh ﷺning ozod qilingan quli Savbon (roziyallohu anhu)dan rivoyat qilinadi. U aytdi: Rasululloh ﷺ safarga chiqsalar, ahli ichidan eng oxirgi xayrlashadigan kishilari Fotima boʻlar, qaytib kelganlarida esa eng avval kirgan (huzuriga borgan) kishilari ham Fotima boʻlar edi. Bir kuni u zot oʻzlarining bir gʻazotlaridan qaytib keldilar. Fotima eshigiga bir toʻquv (palos) yoki parda osib qoʻygan, Hasan va Husaynga esa kumushdan ikkita bilakuzuk taqib qoʻygan edi. U zot kelib, (uyga) kirmadilar. Fotima u zotni kirishdan toʻsgan narsa — koʻrgan (shu) narsalari deb oʻyladi-da, pardani yirtib tashladi, ikki bolakaydan bilakuzuklarni yechib, ikkisining orasida boʻlib berdi. Ular yigʻlagan holda Rasululloh ﷺ huzurlariga bordilar. U zot ularning qoʻlidan u (bilakuzuk)ni olib: «Ey Savbon, buni falon xonadonga — Madinadagi bir ahli baytga olib borgin. Albatta, mana bular mening ahli baytim. Men ularning oʻzlariga atalgan yaxshi narsalarini bu dunyo hayotlarida yeb tugatishlarini yoqtirmayman. Ey Savbon, Fotimaga asab (degan toshlardan) bir marjon va fil suyagidan ikkita bilakuzuk sotib olib kelgin», dedilar.Расулуллоҳ ﷺнинг озод қилинган қули Савбон (розияллоҳу анҳу)дан ривоят қилинади. У айтди: Расулуллоҳ ﷺ сафарга чиқсалар, аҳли ичидан энг охирги хайрлашадиган кишилари Фотима бўлар, қайтиб келганларида эса энг аввал кирган (ҳузурига борган) кишилари ҳам Фотима бўлар эди. Бир куни у зот ўзларининг бир ғазотларидан қайтиб келдилар. Фотима эшигига бир тўқув (палос) ёки парда осиб қўйган, Ҳасан ва Ҳусайнга эса кумушдан иккита билакузук тақиб қўйган эди. У зот келиб, (уйга) кирмадилар. Фотима у зотни киришдан тўсган нарса — кўрган (шу) нарсалари деб ўйлади-да, пардани йиртиб ташлади, икки болакайдан билакузукларни ечиб, иккисининг орасида бўлиб берди. Улар йиғлаган ҳолда Расулуллоҳ ﷺ ҳузурларига бордилар. У зот уларнинг қўлидан у (билакузук)ни олиб: «Эй Савбон, буни фалон хонадонга — Мадинадаги бир аҳли байтга олиб боргин. Албатта, мана булар менинг аҳли байтим. Мен уларнинг ўзларига аталган яхши нарсаларини бу дунё ҳаётларида еб тугатишларини ёқтирмайман. Эй Савбон, Фотимага асаб (деган тошлардан) бир маржон ва фил суягидан иккита билакузук сотиб олиб келгин», дедилар.