Qays (rahimahulloh)dan rivoyat qilinadi: Abu Bakr (roziyallohu anhu) Allohga hamd aytib, Unga sano keltirganidan keyin shunday dedi: «Ey odamlar, sizlar ushbu oyatni oʻqiysizlar va uni oʻz oʻrnidan boshqa joyga qoʻyasizlar: {Oʻzlaringizni saqlangiz, agar hidoyat topgan boʻlsangiz, adashgan kimsa sizlarga zarar yetkaza olmaydi}». Xolid rivoyatida: «Biz Paygʻambar ﷺ shunday deganlarini eshitdik», — deyilgan: «Odamlar zolimni koʻrib turib, uning qoʻlidan ushlamasalar, Alloh ularning hammasini azob bilan qamrab olishi yaqindir». Amr esa Hushaymdan: «Men Rasululloh ﷺ shunday deganlarini eshitdim», — deb rivoyat qildi: «Qaysi qavm ichida maʼsiyatlar qilinsa, soʻngra ular buni oʻzgartirishga qodir boʻla turib, oʻzgartirmasalar, Alloh ularni Oʻz tomonidan azob bilan qamrab olishi yaqindir». Abu Dovud aytdi: Buni Xolid aytganidek, Abu Usoma va bir jamoa ham rivoyat qilgan. Shuʼba esa unda: «Qaysi qavm ichida maʼsiyat qilinsa, ular maʼsiyat qiluvchilardan koʻproq boʻlsa», — degan.Қайс (раҳимаҳуллоҳ)дан ривоят қилинади: Абу Бакр (розияллоҳу анҳу) Аллоҳга ҳамд айтиб, Унга сано келтирганидан кейин шундай деди: «Эй одамлар, сизлар ушбу оятни ўқийсизлар ва уни ўз ўрнидан бошқа жойга қўясизлар: {Ўзларингизни сақлангиз, агар ҳидоят топган бўлсангиз, адашган кимса сизларга зарар етказа олмайди}». Холид ривоятида: «Биз Пайғамбар ﷺ шундай деганларини эшитдик», — дейилган: «Одамлар золимни кўриб туриб, унинг қўлидан ушламасалар, Аллоҳ уларнинг ҳаммасини азоб билан қамраб олиши яқиндир». Амр эса Ҳушаймдан: «Мен Расулуллоҳ ﷺ шундай деганларини эшитдим», — деб ривоят қилди: «Қайси қавм ичида маъсиятлар қилинса, сўнгра улар буни ўзгартиришга қодир бўла туриб, ўзгартирмасалар, Аллоҳ уларни Ўз томонидан азоб билан қамраб олиши яқиндир». Абу Довуд айтди: Буни Холид айтганидек, Абу Усома ва бир жамоа ҳам ривоят қилган. Шуъба эса унда: «Қайси қавм ичида маъсият қилинса, улар маъсият қилувчилардан кўпроқ бўлса», — деган.