Abu Barza (roziyallohu anhu)dan rivoyat qilinadi: U shunday dedi: Men Abu Bakr (roziyallohu anhu)ning huzurida edim. U bir kishiga gʻazablanib, unga qattiq muomala qildi. Men: «Ey Rasululloh ﷺning xalifasi, uning boʻynini uzishimga ijozat berasizmi?» dedim. Mening bu soʻzim uning gʻazabini ketkazdi. U turib, (uyga) kirib ketdi-da, soʻng menga odam yuborib (chaqirtirib): «Hozir nima deding?» dedi. Men: «Boʻynini uzishimga ijozat bering, dedim», dedim. U: «Agar senga buyursam, qilarmiding?» dedi. Men: «Ha», dedim. U: «Yoʻq, Allohga qasamki, bu Muhammad ﷺdan keyin biror bashar (inson) uchun (joiz) emas», dedi. Abu Dovud aytadi: Bu Yazidning lafzidir. Ahmad ibn Hanbal aytdi: Yaʼni, Abu Bakr uchun bir kishini Rasululloh ﷺ aytgan uch narsadan biri bilangina oʻldirish (joiz) edi: imondan keyingi kufr, yoki uylangandan keyingi zino, yoki jonga jon (boʻlmagan holda) bir jonni oʻldirish. Nabiy ﷺ uchun esa (boshqa hollarda ham) oʻldirish (joiz) edi.Абу Барза (розияллоҳу анҳу)дан ривоят қилинади: У шундай деди: Мен Абу Бакр (розияллоҳу анҳу)нинг ҳузурида эдим. У бир кишига ғазабланиб, унга қаттиқ муомала қилди. Мен: «Эй Расулуллоҳ ﷺнинг халифаси, унинг бўйнини узишимга ижозат берасизми?» дедим. Менинг бу сўзим унинг ғазабини кетказди. У туриб, (уйга) кириб кетди-да, сўнг менга одам юбориб (чақиртириб): «Ҳозир нима дединг?» деди. Мен: «Бўйнини узишимга ижозат беринг, дедим», дедим. У: «Агар сенга буюрсам, қилармидинг?» деди. Мен: «Ҳа», дедим. У: «Йўқ, Аллоҳга қасамки, бу Муҳаммад ﷺдан кейин бирор башар (инсон) учун (жоиз) эмас», деди. Абу Довуд айтади: Бу Язиднинг лафзидир. Аҳмад ибн Ҳанбал айтди: Яъни, Абу Бакр учун бир кишини Расулуллоҳ ﷺ айтган уч нарсадан бири билангина ўлдириш (жоиз) эди: имондан кейинги куфр, ёки уйлангандан кейинги зино, ёки жонга жон (бўлмаган ҳолда) бир жонни ўлдириш. Набий ﷺ учун эса (бошқа ҳолларда ҳам) ўлдириш (жоиз) эди.