حَدَّثَنَا مُحَمَّدُ بْنُ يَحْيَى بْنِ فَارِسٍ، حَدَّثَنَا عَمْرُو بْنُ حَمَّادِ بْنِ طَلْحَةَ، حَدَّثَنَا أَسْبَاطٌ، عَنْ سِمَاكِ بْنِ حَرْبٍ، عَنْ حُمَيْدِ ابْنِ أُخْتِ، صَفْوَانَ عَنْ صَفْوَانَ بْنِ أُمَيَّةَ، قَالَ كُنْتُ نَائِمًا فِي الْمَسْجِدِ عَلَى خَمِيصَةٍ لِي ثَمَنُ ثَلاَثِينَ دِرْهَمًا فَجَاءَ رَجُلٌ فَاخْتَلَسَهَا مِنِّي فَأُخِذَ الرَّجُلُ فَأُتِيَ بِهِ رَسُولُ اللَّهِ صلى الله عليه وسلم فَأَمَرَ بِهِ لِيُقْطَعَ . قَالَ فَأَتَيْتُهُ فَقُلْتُ أَنَقْطَعُهُ مِنْ أَجْلِ ثَلاَثِينَ دِرْهَمًا أَنَا أَبِيعُهُ وَأُنْسِئُهُ ثَمَنَهَا قَالَ " فَهَلاَّ كَانَ هَذَا قَبْلَ أَنْ تَأْتِيَنِي بِهِ " . قَالَ أَبُو دَاوُدَ وَرَوَاهُ زَائِدَةُ عَنْ سِمَاكٍ عَنْ جُعَيْدِ بْنِ جُحَيْرٍ قَالَ نَامَ صَفْوَانُ . وَرَوَاهُ مُجَاهِدٌ وَطَاوُسٌ أَنَّهُ كَانَ نَائِمًا فَجَاءَ سَارِقٌ فَسَرَقَ خَمِيصَةً مِنْ تَحْتِ رَأْسِهِ . وَرَوَاهُ أَبُو سَلَمَةَ بْنُ عَبْدِ الرَّحْمَنِ قَالَ فَاسْتَلَّهُ مِنْ تَحْتِ رَأْسِهِ فَاسْتَيْقَظَ فَصَاحَ بِهِ فَأُخِذَ . وَرَوَاهُ الزُّهْرِيُّ عَنْ صَفْوَانَ بْنِ عَبْدِ اللَّهِ قَالَ فَنَامَ فِي الْمَسْجِدِ وَتَوَسَّدَ رِدَاءَهُ فَجَاءَهُ سَارِقٌ فَأَخَذَ رِدَاءَهُ فَأُخِذَ السَّارِقُ فَجِيءَ بِهِ إِلَى النَّبِيِّ صلى الله عليه وسلم .
Safvon ibn Umayya (roziyallohu anhu)dan rivoyat qilinadi: U: «Men masjidda oʻttiz dirham bahosidagi (junli) palosimning ustida uxlab yotgan edim. Bir kishi kelib uni mendan tortib oldi. Soʻng oʻsha kishi ushlanib, Rasululloh ﷺ ga keltirildi. (Rasululloh ﷺ) uni (qoʻlini) kestirishga buyurdilar. Men huzurlariga kelib: ‹Uni oʻttiz dirham uchun (qoʻlini) kesamizmi? Men uni oʻsha (oʻgʻri)ga sotib yuboraman va bahosini qarz qilib qoʻyaman›, dedim. (Rasululloh ﷺ): ‹Buni menga keltirishingdan oldin (qilsang) boʻlmasmidi?!› dedilar», deb aytdi. Abu Dovud aytdi: Uni Zoida ham Simokdan, u Juʼayd ibn Hujayrdan rivoyat qilib: «Safvon uxladi», degan. Mujohid va Tovus uni: «U uxlab yotganida bir oʻgʻri kelib uning boshi ostidan palosini oʻgʻirladi», deb rivoyat qilishgan. Abu Salama ibn Abdurahmon uni: «U (oʻgʻri) uni (palosini) boshi ostidan tortib oldi, shunda (Safvon) uygʻonib unga qarab baqirdi, soʻng u ushlandi», deb rivoyat qilgan. Zuhriy esa uni Safvon ibn Abdullohdan rivoyat qilib: «U masjidda uxlab, ridosini yostiq qilib oldi, soʻng huzuriga bir oʻgʻri kelib ridosini oldi, oʻgʻri ushlanib, Nabiy ﷺ ga keltirildi», degan.Сафвон ибн Умайя (розияллоҳу анҳу)дан ривоят қилинади: У: «Мен масжидда ўттиз дирҳам баҳосидаги (жунли) палосимнинг устида ухлаб ётган эдим. Бир киши келиб уни мендан тортиб олди. Сўнг ўша киши ушланиб, Расулуллоҳ ﷺ га келтирилди. (Расулуллоҳ ﷺ) уни (қўлини) кестиришга буюрдилар. Мен ҳузурларига келиб: ‹Уни ўттиз дирҳам учун (қўлини) кесамизми? Мен уни ўша (ўғри)га сотиб юбораман ва баҳосини қарз қилиб қўяман›, дедим. (Расулуллоҳ ﷺ): ‹Буни менга келтиришингдан олдин (қилсанг) бўлмасмиди?!› дедилар», деб айтди. Абу Довуд айтди: Уни Зоида ҳам Симокдан, у Жуъайд ибн Ҳужайрдан ривоят қилиб: «Сафвон ухлади», деган. Мужоҳид ва Товус уни: «У ухлаб ётганида бир ўғри келиб унинг боши остидан палосини ўғирлади», деб ривоят қилишган. Абу Салама ибн Абдураҳмон уни: «У (ўғри) уни (палосини) боши остидан тортиб олди, шунда (Сафвон) уйғониб унга қараб бақирди, сўнг у ушланди», деб ривоят қилган. Зуҳрий эса уни Сафвон ибн Абдуллоҳдан ривоят қилиб: «У масжидда ухлаб, ридосини ёстиқ қилиб олди, сўнг ҳузурига бир ўғри келиб ридосини олди, ўғри ушланиб, Набий ﷺ га келтирилди», деган.